ବୌଦ୍ଧ : ଆଜି ସାଲୁଙ୍କି ନଦୀ ରୁ ବଘିଆପଡା ପୁଲିସ ଏକ ଗଳିତ ଶବ ଉଦ୍ଧାର କରିଛି । ବୌଦ୍ଧ ବଘିଆପଡା ଫାଣ୍ଡି ଅନ୍ତର୍ଗତ ତିକରପଡା ପାଞ୍ଚୟାତ କୁରୁକୁଚ୍ ଗ୍ରାମ ସାଲୁଙ୍କି ନଦୀ କୂଳରୁ ଏକ ଗଳିତ ମୃତ ଦେହ ଉଦ୍ଧାର, ଘଟଣା ସ୍ଥଳରେ ପୋଲିସ ପହଞ୍ଚି ଛାନ ଭିନ ଆରମ୍ଭ କରୁଛି । ସୂଚନା ମୁତାବକ ଗତ ଲଘୁଚାପ ବର୍ଷା ଯୋଗୁଁ ଜିଲ୍ଲାର ସମସ୍ତ ନଦୀରେ ବନ୍ୟା ଆସିଥିଲା । ତେବେ ଆଜି ନିକଟରେ ଥିବା କୁରୁକୁଚ ଗ୍ରାମବାସୀ ସାଲୁଙ୍କି ନଦୀରେ ବନ୍ୟା ଜଳ ଦେଖିବା ପାଇଁ ଯାଇଥିବା ବେଳେ ଗୋଟିଏ ବୁଦାରେ ଏକ ଗଳିତ ମୃତଦେହ ଦେଖିବାକୁ ପାଇଥିଲେ । ପରେ ସଙ୍ଗେ ସଙ୍ଗେ ଗ୍ରାମବାସୀ ନିକଟସ୍ଥ ବଘିଆପଡ଼ା ଫାଣ୍ଡିକୁ ସୂଚନା ଦେଇଥିଲେ । ବର୍ତ୍ତମାନ ଘଟଣା ସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିବା ସହ ଶବକୁ ମଧ୍ୟ ଉଦ୍ଧାର କରିଛି । ଅନ୍ୟପଟେ ଶବଟି ବନ୍ୟା ପାଣିରେ ଭାସି ଆସିଥିବା ସନ୍ଦେହ ନା କିଏ ହତ୍ୟା କରିଛି ଜଣା ପଡ଼ିନାହିଁ ।ତେବେ ଶବ ଚିହ୍ନଟ ପରେ ସବୁ ଜଣା ପଡ଼ିବ ବୋଲି ପୁଲିସ କହିଛି । ଅନ୍ୟ ପକ୍ଷରେ ତିକରପଡା ପଂଚାୟତ ଗୁଢୀଆଳି ଗ୍ରାମର ମାଝି ଗତ ୧୦ ଦିନ ହେଲା ନିଖୋଜ ଥିବା ବଘିଆପଡା ଫାଣ୍ଡିରେ ଅଭିଯୋଗ ହୋଇଛି ।
