ପୁରୀ,୧୧/୧୦- ଆଜି ବଲିଉଡ଼ ସୁପରଷ୍ଟାର ଅଭିନେତା ଅମିତାଭ ବଚ୍ଚନଙ୍କ ଜନ୍ମ ଦିବସ । ଆଜି ସେ ୭୯ବର୍ଷରେ ପଦାର୍ପଣ କଲେ । ତାଙ୍କର ଏହି ଜନ୍ମ ଦିବସ ଅବସରରେ ଫ୍ୟାନ, ଫଲୋରଙ୍କଠୁ ଆରମ୍ଭକରି ବିଭିନ୍ନ ମହଲରୁ ଜନ୍ମ ଦିନ ଅଭିନନ୍ଦନର ସୁଅ ଛୁଟୁଛି । ତେବେ ଏହି ଅବସରରେ ଆନ୍ତର୍ଜାତୀୟ ବାଲୁକା ଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ପୁରୀର ସ୍ୱର୍ଣ୍ଣାଭ ବେଳାଭୂମିରେ ବିଗବିଙ୍କ ଏକ ସୁନ୍ଦର କଳାକୃତି ନିର୍ମାଣ କରିବାସହ ଜନ୍ମଦିନର ଅଭିନନ୍ଦନ ଜ୍ଞାପନ କରିଛନ୍ତି । ପ୍ରତ୍ୟେକବର୍ଷ ସୁଦର୍ଶନ ବିଗବିଙ୍କୁ ଜନ୍ମଦିନର ଶୁଭେଚ୍ଛା ଦେଉଥିବା ବେଳେ ଚଳିତ ବର୍ଷ ମଧ୍ୟ ୭ଟନ ବାଲି ସାହାଯ୍ୟରେ ପ୍ରାୟ ୧୨ଫୁଟ ଲମ୍ବ ଓ ୫ଫୁଟ ଉଚ୍ଚତା ବିଶଷ୍ଟ ଏହି କଳାକୃତି ନିର୍ମାଣକରି ଅଭିନନ୍ଦନ ଜଣାଇଛନ୍ତି ।
