ପୁରୀ,୪/୯- ଟୋକିଓରେ ଚାଲିଥିବା ପାରାଅଲମ୍ପିକ ରେ ବ୍ୟାଡ ମିଣ୍ଟନ ରେ ସ୍ୱର୍ଣ୍ଣପଦକ ଜିତିଛନ୍ତି ଓଡ଼ିଆ ପୁଅ ପ୍ରମୋଦ ଭଗତ । ଏଥିପାଇଁ ତାଙ୍କୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁଭେଚ୍ଛା ଜଣାଇଛନ୍ତି । ଦେଶକୁ ସେ ଗର୍ବିତ କରିଥିବା ହେତୁ ବିଭିନ୍ନ ମହଲରୁ ପ୍ରମୋଦଙ୍କ ନିକଟକୁ ଶୁଭେଚ୍ଛାର ସୁଅ ଛୁଟିବାରେ ଲାଗିଛି । ବିଶିଷ୍ଟ ବାଲୁକା ଚିତ୍ରଶିଳ୍ପୀ ପଦ୍ମଶ୍ରୀ ସୁଦର୍ଶନ ପଟ୍ଟନାୟକ ବାଲୁକା ଚିତ୍ରକଳା ମାଧ୍ୟମରେ ପ୍ରମୋଦଙ୍କ ଐତିହାସିକ ସଫଳତା ପାଇଁ ଅଭିନନ୍ଦନ ଜଣାଇଛନ୍ତି । ପୁରୀ ବେଳାଭୂମିରେ ନିର୍ମିତ ଏହି ବାଲୁକା ଚିତ୍ରକଳାରେ ସୁଦର୍ଶନ ପ୍ରମୋଦ ପ୍ରତିକୃତିକୁ ସ୍ଥାନ ଦେବା ସହ ତ୍ରିରଙ୍ଗା , ସ୍ୱର୍ଣ୍ଣ ପଦକ ଆଙ୍କି ଜୟ ହୋ ଲେଖି ପ୍ରମୋଦଙ୍କୁ ଶୁଭେଚ୍ଛା ବାର୍ତା ଦେଇଛନ୍ତି ।
