ଫୁଲବାଣୀ:ସଦର ଥାନା ପୁଲିସ ମାଆକୁ ଛୁରୀ ମାରି ହତ୍ୟା କରିଥିବା ପୁଅ ଭାଗୀରଥି ବେହେରାକୁ ଗତକାଲି ଗିରଫ କରି କୋର୍ଟ ଚାଲାଣ କରିଛି । ପ୍ରକାଶ ଥାଉକି ଗତ ୨୬ ତାରିଖରେ ନିଜ ଭଣଜା ମୋଟର ସାଇକେଲ ଭାଙ୍ଗିଦେଇଥିବା ଘଟଣାକୁ ନେଇ ଅତ୍ୟଧିକ ମଦ୍ୟପାନ କରି ଭଉଣୀକୁ ଟଙ୍କା ମାଗିଥିଲେ,ନଦେବାରୁ ଭଣଜାକୁ ଆକ୍ରମଣ କରିଥିଲେ । ଏହି ସମୟରେ ଭଉଣୀ ବୃନ୍ଦାବତୀ ଓ ମା ଉର୍ମିଳା ଛଡ଼ାଇବାକୁ ଯାଇ ଭାଗୀରଥିର ଆକ୍ରମଣର ଶିକାର ହୋଇ ଗୁରୁତର ହୋଇଥିଲେ । ପୋଲିସ ଘଟଣା ସ୍ଥଳରେ ପହଞ୍ଚି ସମସ୍ତଙ୍କୁ ଅଟୋ ଯୋଗେ ଫୁଲବାଣୀ ମୁଖ୍ୟ ଡାକ୍ତରଖାନାକୁ ପଠାଇଥିଲେ । ସେଠାରେ ଡାକ୍ତର ଉର୍ମିଳାକୁ ମୃତ ଘୋଷଣା କରିଥିଲେ । ଏ ନେଇ ସଦର ଥାନାରେ ୬୭/୨୦ରେ ମାମଲା ରଜୁ କରି ତଦନ୍ତ ଚଲାଇ ଥିଲେ । ଗତକାଲି ଭାଗୀରଥି ବେହେରାକୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ସଦର ଥାନା ଅଧିକାରୀ ଆଦିତ୍ୟ ସେଠୀ ସୂଚନା ଦେଇଛନ୍ତି ।
