ବୌଦ୍ଧ,୧୦/୮ : ବୌଦ୍ଧଜିଲ୍ଲା ହରଭଙ୍ଗା ବ୍ଲକ୍ ଶ୍ୟାମସୁନ୍ଦରପୁର୍ ଗ୍ରାମକୁ କେଉଁ ଆଡୁ ଚାଲି ଆସିଥିବା ଓ ମାନସିକ ସ୍ଥିତି ଭଲନଥିବା ଜଣେ ଯୁବକଙ୍କୁ ବୌଦ୍ଧ ଥାନା ପୋଲିସ୍ ଉଦ୍ଧାର କରିଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଜଣେ ଯୁବକ ଲୁଙ୍ଗିଟିଏ ପିନ୍ଧି ସାଂପୋଚ ଗ୍ରାମ ପଂଚାୟତ ଅନ୍ତର୍ଗତ ଶ୍ୟାମସୁନ୍ଦରପୁର୍ ଗ୍ରାମରେ ପହଞ୍ଚିଥିଲା । ଗ୍ରାମବାସୀ ତାର ପରିଚୟ ମାଗିଥିଲେ ମାତ୍ର ସେ ମାନସିକ ସ୍ତରରେ ଦୁର୍ବଳ ଥିବାରୁ କୌଣସି ଉତ୍ତର ଦେଇପାରିନଥିଲା । ତାକୁ ମାନବିକତା ଦୃଷ୍ଟିରୁ ପିନ୍ଧିବା ପାଇଁ ପୋଷାକପତ୍ର ଓ ଖାଦ୍ୟପେୟ ଦେଇ ଗ୍ରାମବାସୀ ଗାଆଁର ଗୋଷ୍ଠୀ କେନ୍ଦ୍ରରେ ବିଶ୍ରାମ ନେବାର ବ୍ୟବସ୍ଥା କରାଇଥିଲେ । ପରେ ବୌଦ୍ଧ ଥାନାକୁ ଫୋନ କରି ସୂଚନା ଦେଇଥିଲେ । ପୋଲିସ ଗାଆଁରେ ପହଂଚି ଯୁବକଙ୍କୁ ଉଦ୍ଧାର କରି ଆଣିଥବା ଜଣାପଡିଛି ।
