ବାଲିଗୁଡା,୬/୧୦- କୋଟଗଡ ବ୍ଲକ ଅବସ୍ଥିତ ବହୁ ପୁରାତନ ଠାକୁରାଣୀ ମନ୍ଦିର ଏବେ ମଦୁଆଙ୍କ ଚରାଭୂମି ପାଲଟିଛି |ପ୍ରକାଶ ଥାଉକି,ବହୁ ବର୍ଷ ପୂର୍ବରୁ ଗ୍ରାମବାସୀଙ୍କ ଦ୍ୱାରା ରାଜା ରାଜୁଡା ସମୟ ରୁ ପୂଜା ପାଇ ଆସୁଛନ୍ତି ମା ବୁଢ଼ୀ ଠାକୁରାଣୀ ଓ ଗ୍ରାମବାସୀ ଏହାର ରକ୍ଷଣ ବେକ୍ଷଣ କରୁଛନ୍ତି ହେଲେ ମନ୍ଦିର ରୁ ମାତ୍ର ଶହେ ମିଟର ଦୂରରେ ବିଦେଶୀ ମଦ ଦୋକାନ ଖୋଲାଯାଇଥିବା ରୁ ସମ୍ପୃକ୍ତ ଅଂଚଳ ନିକଟରେ ଓ ମନ୍ଦିର ମୁଖ୍ୟ ଦ୍ୱାର ସମ୍ମୁଖରେ କିଛି ଅନୈତିକ ଲୋକ ମଦ କିଣି ନିର୍ଦ୍ୱନ୍ଦ ରେ ମଦ ପିଇ ମଦକାଚ,ଗ୍ଲାସ, ଅଇଁଠା ପାଣିବୋତଲ ଓ ପାଉଚ ଜରି ପକାଉଛନ୍ତି, ଫଳରେ ସ୍ଥାନୀୟ ବାସିନ୍ଦା ଓ ବଜରଙ୍ଗ ଦଳ ଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି |ତେଣୁ ସ୍ଥାନୀୟ ପୋଲିସ ପ୍ରଶାସନ ଓ ଅବକାରୀ ବିଭାଗ ଏଥି ପ୍ରତି ଦୃଷ୍ଟି ଦେଇ ସମ୍ପୃକ୍ତ ଅଂଚଳ କୁ ମଦ ମୁକ୍ତ କରିବାକୁ ଦାବୀ ହେଉଛି, ଏହାସହ ଉକ୍ତ ମନ୍ଦିର ପରିସରରେ ଅଇଁଠା ମାଦକ ଦ୍ରବ୍ୟ ପକାଉଥିବା ମଦୁଆ ଙ୍କ ବିରୁଦ୍ଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ କୋଟଗଡ ବଜରଙ୍ଗ ଦଳ ପକ୍ଷରୁ ଦାବୀ କରାଯାଇଛି |
