ବୌଦ୍ଧ,୨୭/୧୦ – ଆଜି ସକାଳେ ଜାତୀୟ ରାଜପଥ ନମ୍ବର୍ ୫୭ର ମାଧପୁର ଢାବା ନିକଟରେ ଯାତ୍ରୀ ବାହୀ ବସ୍ ଓ ମାଲ୍ ବୋଝେଇ ଟ୍ରକ ମଧ୍ୟରେ ମୁହାଁମୁହିିଁଁ ଧକ୍କା ହେବାରୁ ୫ ଜଣ ଆହତ ହୋଇଥିବା ଜଣାପଡିଛି । ମିଳିଥିବା ସୂଚନା ଅନୁଯାୟୀ ଆଜି ସକାଳେ କନ୍ଧମାଳ ଜିଲ୍ଲା ଚକାପାଦ ଅଂଚଳରୁ ବୌଦ୍ଧ ଅଭିମୁଖେ ଆସୁଥିବା ଯାତ୍ରୀ ବାହୀ ବସ୍ (କାନ୍ହା) ଓ.ଆର. ୧୫ ସି ୯୩୮୫ ସହ ବିପରୀତ ଦିଗରୁ ଆସୁଥିବା ମାଲ୍ ବୋଝେଇ ଟ୍ରକ ଓଡି ୦୧ସି ୫୯୪୫ ର ମାଧପୁର ଢାବା ନିକଟରେ ଧକ୍କା ହୋଇଥିଲା ।
ଧକ୍କା ଦେବା ପରେ ଟ୍ରକଟି ରାସ୍ତା ତଳ ଖାଲକୁ ଖସି ପଡିଥିଲା । ବସରେ ଥିବା ତିନି ଜଣ ଯାତ୍ରୀ ଆହତ ହୋଇଥିବା ବେଳେ ଟ୍ରକରେ ବସିଥିବା ଦୁଇ ଜଣ ମଧ୍ୟ ଆହତ ହୋଇଥିଲେ । ଟ୍ରକ ଡ୍ରାଇଭର ଦୁର୍ଘଟଣା ପରେ ଘଟଣାସ୍ଥଳରୁ ଫେରାର ମାରିଥିଲା । ଆଡେନିଗଡ ଫାଣ୍ଡି ପୋଲିସ ପହଞ୍ଚି ଘଟଣାର ତଦନ୍ତ କରୁଥିବା ଜଣାପଡିିଛି ।
