ବୌଦ୍ଧ,୨/୪- ଆଜି ସକାଳେ ମନମୁଣ୍ଡା – କଣ୍ଟାମାଳ ରାସ୍ତାର କପାସିରା ଛକ ନିକଟ ରାସ୍ତା କଡରେ ଗୋଟିଏ ଇଣ୍ଡିଗୋ ସିଏସ କାରରେ ନିଆଁ ଲାଗି ଜଳୁଥିବା ଦେଖିବାକୁ ମିଳିଥିଲା l ଲୋକେ ଦମକଳ ବାହିନୀକୁ ଖବର୍ ଦେବା ପରେ ନିଆଁକୁ ଆୟତ୍ତ କରା ଯାଇଥିଲା l ମିଳିଥିବା ସୂଚନା ଅନୁଯାୟୀ ଆଜି ସକାଳେ କପାସିରା ଛକ ନିକଟ ରାସ୍ତା କଡରେ ଗୋଟିଏ ଇଣ୍ଡିଗୋ ସିଏସ କାର ଓ.ଆର. 17 ଜେ 8086 ରେ ନିଆଁ ଲାଗି ଜଳୁଥିବା ଦେଖିବାକୁ ମିଳିଥିଲା l କାର ପାଖରେ କେହି ଯାତ୍ରୀ ନଥିବା ହେତୁ ଅଗ୍ନିକାଣ୍ଡର କାରଣ ଓ ଗାଡ଼ିରେ କିଏ ଥିଲେ ସ୍ପଷ୍ଟ ହୋଇ ପାରିନାହିଁ l ଅଗ୍ନିକାଣ୍ଡର ଧୂଆଁରେ ଗଂଜେଇ ବାସ୍ନା ହେଉଥିବାରୁ କାରରେ ଗଂଜେଇ ଚୋରା ଚାଲାଣ ହେଉଥିବା ସ୍ଥାନୀୟ ଲୋକେ ସନ୍ଦେହ କରୁଛନ୍ତି l କୌଣସି କାରଣରୁ ଗଂଜେଇ ମାଫିଆ ମାନେ ଗଂଜେଇ ସହ ଗାଡ଼ିରେ ନିଆଁ ଲଗାଇ ଦେଇଥିବା ଆଲୋଚନା ହେଉଛି | ମନମୁଣ୍ଡା ପୋଲିସ୍ ଘଟଣା ସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଜଣାପଡିଛି l
