ଭୁବନେଶ୍ୱର: କରୋନା ଆକ୍ରାନ୍ତ ଆଇଇଏସ ଡକ୍ଟର ବିରଞ୍ଚି ନାରାୟଣ ନନ୍ଦ(୬୧)ଙ୍କର ଦିଲ୍ଲୀରେ ଆଜି ସକାଳ ୭ଟାରେ ପରଲୋକ ହୋଇଛି । ଗତବର୍ଷ ଭାରତ ସରକାରଙ୍କ ଶ୍ରମ ମନ୍ତ୍ରାଳୟର ସଚିବ ପଦରୁ ଅବସର ନେଇଥିଲେ ଡ. ନନ୍ଦ । ଯାଜପୁରରେ ଜନ୍ମିତ ଡକ୍ଟର ନନ୍ଦ ଅବସର ନେଲାପରେ “ଓଡିଶା ସ୍ୱାଭିମାନ ପରିଷଦ” ନାମକ ଏକ ସାମାଜିକ ସଂଗଠନର ଅଧ୍ୟକ୍ଷ ଦାୟିତ୍ୱ ଗ୍ରହଣ କରିଥିଲେ । ଉକ୍ତ ଅନୁଷ୍ଠାନକୁ ନେଇ ଓଡ଼ିଶାର ସ୍ୱାଭିମାନ ଓ ସାମାଜିକ ଅର୍ଥନୈତିକ ବିକାଶ କରିବା ପାଇଁ ଗ୍ରାମାଞ୍ଚଳରେ କାର୍ଯ୍ୟକ୍ରମ ଆରମ୍ଭ କରିଥିଲେ । ଓଡ଼ିଶାର ଜଳ,ଜମି,ଜଙ୍ଗଲ ଓ ମା’ ମାଟି ମଣିଷର ସୁରକ୍ଷା ପୁନରୁଦ୍ଧାର ଏବଂ ସାମଗ୍ରିକ ବିକାଶ ତାଙ୍କର ମୁଖ୍ୟ ଉଦ୍ଦେଶ୍ୟ ଥିଲା । କୋଭିଡ ଲକଡାଉନ ଓ ସଟଡାଉନ ସମୟରେ ଗ୍ରାମାଞ୍ଚଳରେ ଗରିବ ଶ୍ରମିକମାନଙ୍କ ପାଇଁ ବିଭିନ୍ନ ସ୍ଥାନରେ ଶୁଖିଲା ଖାଦ୍ୟସାମଗ୍ରୀ ବଣ୍ଟନ କରିଥିଲେ ଡ. ନନ୍ଦ । ସେ ଦିଲ୍ଳୀରେ ଥିବା ସମୟରେ କୋଭିଡର ପ୍ରଥମ ଡୋଜ ଟିକା ମଧ୍ୟ ନେଇଥିଲେ ।
