ବୌଦ୍ଧ/ବାଉଁଶୁଣୀ,୨୭/୪- ବୌଦ୍ଧ ବ୍ଲକ୍ ବାଉଁଶୁଣୀ ଠାରେ ଥିବା ଉପ ଡାକଘରର ବିଦ୍ୟୁତ୍ ସଂଯୋଗ ଗତକାଲି ଠାରୁ ଗ୍ରାମ ପଞ୍ଚାୟତ ଛିନ୍ନ କରି ଦେଇଥିବା ହେତୁ ଦୈନନ୍ଦିନ କାର୍ଯ୍ୟ ଠପ ହୋଇ ଯାଇଛି | ବାଉଁଶୁଣୀ ଡାକଘର ଜିଲ୍ଲାର ଏକ ଗୁରୁତ୍ୱପୁର୍ଣ୍ଣ ଉପ ଡାକଘର l ବୌଦ୍ଧ ବ୍ଲକର 19 ଗୋଟି ଶାଖା ଡାକ ଘର ତାର ଅଧିନରେ ଅଛି l ବିଭିନ୍ନ ସୁରକ୍ଷା ଓ ଜମା ଯୋଜନାର ଜମା ଓ ଉଠାଣ, ରେଜିଷ୍ଟ୍ରି, ସ୍ପୀଡ ପୋଷ୍ଟ,ଟି. ଏମ. ଓ. ଆଦି ଯାବତୀୟ କାର୍ଯ୍ୟ ଅଁଳାପlଲି, ଆମ୍ବଝରୀ, ବହିରl, ଦହ୍ୟା, ଗୁନ୍ଦୁଲିଆ, ତାଲସରଡା, ତେଲିବନ୍ଧ, କସୁରବନ୍ଧ, ମନୁପାଲି, ମୁଣ୍ଡିପଦର, ଖଲିଆ ପାଲି, ଗୋଛାପଡା ଆଦି ଗ୍ରାମ ପଞ୍ଚାୟତର ଲୋକେ ନିର୍ଭର କରିଥାଆନ୍ତି l ମିଳିଥିବା ସୂଚନା ଅନୁଯାୟୀ ଗ୍ରାମ ପଞ୍ଚାୟତ ଅଧିନରେ ଥିବା ଘରେ ବହୁ ବର୍ଷରୁ ଡାକଘର ଚାଲି ଆସୁଥିଲା l ବର୍ତ୍ତମାନ ପୁରୁଣା ଘର ଭାଙ୍ଗି ଗ୍ରାମ ପଞ୍ଚାୟତ ନୂତନ ଦୋକାନ ଘର ନିର୍ମାଣ ପାଇଁ ନିଷ୍ପତି ନେଇଛି l ବାରମ୍ବାର ନୋଟିସ୍ ଦେବା ସତ୍ବେ ଡାକଘର ନ ଉଠିବାରୁ ପଂଚାୟତ କର୍ତୃପକ୍ଷ ବିଦ୍ୟୁତ୍ ସଂଯୋଗ ଗତକାଲି ଠାରୁ ବିଛିନ୍ନ କରି ଦେଇଥିବା ହେତୁ ଦୁଇ ଦିନ ହେଲା ଡାକଘର କାମ ଠପ ହୋଇ ଯାଇଛି | ଫଳରେ ଲୋକେ ବହୁ ହଇରାଣ ହେଉଥିବା ଦେଖିବାକୁ ମିଳିଛି l ଏ ସମ୍ପର୍କରେ ବୌଦ୍ଧ ଫୁଲବାଣୀ ଡାକ ଅଧୀକ୍ଷକଙ୍କୁ ପଚାରିବାରୁ ସେ ଡାକଘର ନୂତନ ସ୍ଥାନକୁ ସ୍ଥାନାନ୍ତର ପାଇଁ ଖୁବ୍ ଶୀଘ୍ର ପଦକ୍ଷେପ ନେଉଥିବା ସୁଚନା ଦେଇଛନ୍ତି l
