ବୌଦ୍ଧ/ ବାଉଁଶୁଣୀ,୧୫/୫- ବୌଦ୍ଧ ବ୍ଳକ ମୁଣ୍ଡାପଡା ପଞ୍ଚାୟତ ଖମାରିପଡା ଗ୍ରାମରେ ୧୪ ତାରିଖରେ ଗୋଟିଏ ଦିନରେ ୫୨ ଜଣ କରୋନା ଆକ୍ରାନ୍ତ ଚିନ୍ହଟ ହୋଇଥିଲେ । ଆଗକୁ ଗ୍ରାମରେ ଅଧିକ କରୋନା ସଂକ୍ରମଣ ବୃଦ୍ଧି ନ ପାଇବାକୁ ଆଖି ଆଗରେ ରଖି ବାଉଁଶୁଣୀ ଦମକଳ ବାହିନୀ ତରଫରୁ ଆଜି ଗ୍ରାମକୁ ସାନିଟାଇଜ କରାଯାଇଛି । ବର୍ତ୍ତମାନ ଜିଲ୍ଲାରେ କରୋନାର ଦ୍ରୁତ ସଂକ୍ରମଣ ବଢ଼ିଚାଲିଛି । ଲୋକେ ଜିଲ୍ଲା କୋଭିଡ୍ ନିୟମ ମାନୁନଥିବାରୁ ଗ୍ରାମାଞ୍ଚଳରେ ପ୍ରତ୍ୟେକ ଦିନ ବଢିଚାଲିଛି କରୋନା ସଂକ୍ରମଣ l ଏଭଳି ପରିସ୍ଥିତିରେ ଲୋକଙ୍କୁ ସଜାଗ ହେବାକୁ ପଡିବ ଓ ପ୍ରଶାସନ ଜାରି କରିଥିବା କୋଭିଡ୍ ନିୟମ ଓ କଟକଣାକୁ ମାନି ନଚାଲିଲେ ଆଗାମୀ ଦିନରେ ଜିଲ୍ଲାରେ ଭୟଙ୍କର ପରିସ୍ଥିତି ଉପୁଜିବ ବୋଲି ଆଲୋଚନା ହେଉଛି |
