ନାଉଗାଁ,୨୫/୫- ଜଗତସିଂହପୁର ଜିଲ୍ଲା ନାଉଗାଁ ବ୍ଳକ ଅନ୍ତର୍ଗତ କୋରୁଅ ପଞ୍ଚାୟତର ଡାହାଣିଖିଆ ଗ୍ରାମର ଉର୍ମିଳା ପରିଡାଙ୍କ ସହିତ ସେହି ଗ୍ରାମର ଦାସ ମହାନ୍ତିଙ୍କ ସହିତ ଜମିବାଡିକୁ କେନ୍ଦ୍ରକରି ଦୀର୍ଘଦିନ ହେବ ମାଲିମକଦ୍ଦମା ଚାଲିଥିଲା । ଗତ କିଛିଦିନ ତଳେ ଜଗତସିଂହପୁର ଜିଲ୍ଲା ଅତିରିକ୍ତ ଜିଲ୍ଲାପାଳଙ୍କ ନିର୍ଦ୍ଦେଶରେ ନାଉଗାଁ ତହସିଲ କର୍ମଚାରୀ ଉକ୍ତ ଗ୍ରାମକୁ ଯାଇ ମାପଚୁପ କରି ସମାଧାନ କରିଥିଲେ । ଏହାର କିଛି ଦିନ ପରେ ଗତ ୨୩ ତାରିଖ ଦିନ ଦାସ ମହାନ୍ତି କିଛି ବାହାର ଗ୍ରାମର ଗୁଣ୍ଡାଙ୍କୁ ଡକାଇ ଉର୍ମିଳା ପରିଡା ଏବଂ ତାଙ୍କର ସ୍ୱାମୀ କୃତିବାସ ପରିଡାଙ୍କୁ ଆକ୍ରମଣ କରିବା ସହ ତାଙ୍କର ଅନେକ ଆସବା ପତ୍ର ଭଙ୍ଗାରୁଜା କରିଥିବା ଥାନାରେ ଅଭିଯୋଗ କରିଥିଲେ ଉର୍ମିଳା । ନାଉଗାଁ ଥାନାରେ ଅଭିଯୋଗ କରିଥିଲେ ମଧ୍ୟ ପୁଲିସ ଘଟଣାକୁ ଗୁରୁତ୍ୱ ଦେଉନଥିବା ସେ ଅଭିଯୋଗ କରିଛନ୍ତି । ଅନ୍ୟପକ୍ଷରେ ଊର୍ମଳାଙ୍କ ସ୍ୱାମୀଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଅଧିକ ଚିକିତ୍ସା ପାଇଁ ନାଉଗାଁ ଗୋଷ୍ଟି ସ୍ୱାସ୍ଥ୍ୟକେନ୍ଦ୍ର କଟକ ପଠାଯାଇଥିବା ଜଣାପଡିଛି । । ଘଟଣାର ନିରପେକ୍ଷ ତଦନ୍ତ ପାଇଁ ନାଉଗାଁ ଥାନା ଆଗରେ ଉର୍ମିଳା ବର୍ଷାରେ ଭିଜି ଭିଜି ଧାରଣାରେ ବସିଥିବା ଦେଖାଯାଇଛି ।
