ଦୁନିଆରେ ମାନବିକତାଠାରୁ ବଡ଼ କିଛି ନାହିଁ । ସୋସିଆଲ ମିଡିଆରେ ମଧ୍ୟ ଏହିପରି ଅନେକ ଦୃଶ୍ୟ ଦେଖିବାକୁ ମିଳୁଛି, ଯାହା ଆମ ପାଇଁ ମାନବିକତାର ଉଦାହରଣ ସୃଷ୍ଟି କରୁଛି । ଆଜିକାଲି ଏପରି ଏକ ଫଟୋ ଭାଇରାଲ ହେବାରେ ଲାଗିଛି, ଯାହା ଲୋକଙ୍କ ହୃଦୟ ଜିତିଛି । ଭାଇରାଲ ହେଉଥିବା ଏହି ଫଟୋରେ ଜଣେ ମହିଳା କନଷ୍ଟେବଳ ରାସ୍ତାରେ ପଡି ରହିଥିବା ଜଣେ ଗରିବ ମହିଳାଙ୍କୁ ସାହାଯ୍ୟ କରୁଥିବା ନଜର ଆସିଛନ୍ତି । କନଷ୍ଟେବଳ ଜଣକ ଜଣେ ମହିଳା ପାଣି ପିଆଉଛନ୍ତି । ଯିଏ ଏହି ଚିତ୍ରକୁ ଦେଖୁଛି ସେ ଭାବପ୍ରବଣ ହୋଇପଡିଛି । କୁହାଯାଉଛି ଯେ ଏହି ଫଟୋ ଉତ୍ତରପ୍ରଦେଶର । ଯେଉଁଠାରେ ଜଣେ କନଷ୍ଟେବଳ ପାଟ୍ରୋଲିଂ କରୁଥିଲେ । ଏହି ସମୟରେ ଜଣେ ମହିଳା ରାସ୍ତା ଉପରେ ପଡିଯାଇଥିଲେ । ମହିଳାଙ୍କ ପାଖରେ ନିରୀହ ପିଲାଟି ବସି କାନ୍ଦୁଥିଲା । ମହିଳା କନଷ୍ଟେବଳ ତୁରନ୍ତ ତାଙ୍କୁ ପାନୀୟ ଜଳ ଦେଇ ଶୋଷ ମେଣ୍ଟାଇବାକୁ ପ୍ରୟାସ କରିଥଇଲେ । ଏହି କନଷ୍ଟେବଳଙ୍କ ନାମ ରେନା ବୋଲି ଜଣାପଡିଛି । ତାଙ୍କୁ ଏବେ ଚାରିଆଡୁ ପ୍ରଶଂସାର ସୁଅ ଛୁଟିଛି ।
