ବୌଦ୍ଧ,୫/୬ – ଲକ ଡାଉନ ସମୟରେ ମାନସିକ ବିକୃତ ହୋଇ ବାହାରେ ମାଗିଯାଚି ବୁଲି ଖାଉଥିବା ଲୋକଙ୍କ ଅବସ୍ଥା ଗୁରୁତର ହୋଇପଡିଛି । ଏମାନଙ୍କର କେହି ସାହା ଭରସା ନାହିଁ । ମାଗି ମାଗି ନିଜର ଭୋକ ମେଣ୍ଟାଉ ଥିଲେ ଏମାନେ । ଲକ ଡାଉନ ସମୟରେ ସମସ୍ତ ହୋଟେଲ ଓ ଦୋକାନ ବଜାର ବନ୍ଦ ପଡିବା ଓ ତାଙ୍କୁ କିଛି ସାହାଯ୍ୟ କରୁଥିବା ଲୋକଙ୍କ ଚଳପ୍ରଚଳ ବନ୍ଦ ଥିବାରୁ ସେମାନେ ପରିସ୍ଥିତିରେ ପଡି ଭୋକ ବିକଳରେ ଆର୍ବଜନା କୁଣ୍ଡରୁ ଅଣ୍ଡାଳି ଅଣ୍ଡାଳି ଖାଉଥିବାର ଅଭାବନୀୟ ଦୃଶ୍ୟ ଦେଖିବାକୁ ମିଳିଛି । କଣ୍ଟାମାଳ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଗତକାଲି ରାତି ୧୦ଟା ସମୟରେ ଗୋଟିଏ ମାନସିକ ବିକୃତ ବ୍ୟକ୍ତି ଭୋକ ବିକଳରେ ଆର୍ବଜନା କୁଣ୍ଡରୁ ଖାଦ୍ୟ ସଗ୍ରହ କରି ଖାଉଥିବା ଦୃଶ୍ୟ ସମସ୍ତଙ୍କୁ ଭାବବିହ୍ୱଳ କରିଥିଲା । ଏଥିପ୍ରତି ଜିଲ୍ଲା ପ୍ରଶାସନ ଦୃଷ୍ଟିଦେବାକୁ ଦାବି ହେଉଛି ।
