ଜୁହାର ଫାଉଣ୍ଡେସନ ମୁମ୍ବାଇର ସହଭାଗିତାରେ ନିଶୁଳ୍କ ଅକ୍ସିଜେନ ବ୍ୟାଙ୍କ ଲୋକାର୍ପିତ, ଲୋକାର୍ପଣ କଲେ ମନ୍ତ୍ରୀ ଶ୍ରୀମତି ଟୁକୁନି ସାହୁ

ଟିଟିଲାଗଡ,୭/୬଼ – ଟିଟିଲାଗଡ଼ ମାଟିର ସନ୍ତାନ ଜିତେନ୍ଦ୍ର ମିଶ୍ର ଜୁହାର ଫାଉଣ୍ଡେସନ ମୁମ୍ବାଇର ସହଭାଗିତାରେ ପ୍ରୋଜେକ୍ଟ ସୌଦାମିନୀ ଅନ୍ତର୍ଗତ ୧୦ ଟି ଅକ୍ସିଜେନ ସିଲିଣ୍ଡର ଲୋକାର୍ପଣ ଅବସରରେ ମୁଖ୍ୟଅତିଥି ଭାବେ ଟିଟିଲାଗଡ଼ର ବିଧାୟିକା ତଥା ମହିଳା ଶିଶୁ ବିକାଶ ଏବଂ ମିଶନ ଶକ୍ତି ମନ୍ତ୍ରୀ ଶ୍ରୀମତି ଟୁକୁନି ସାହୁ ଯୋଗଦେଇ ଲୋକାର୍ପଣ କରିଥିଲେ । ଏସଡିଏମଓ ଶ୍ରୀ ପ୍ରଦୀପ ନାୟକ ଉପସ୍ଥିତ ଥିଲେ । ଭିଡିଓ କନଫରେନ୍ସିଂ ଜରିଆରେ ଦେଶ ତଥା ବିଦେଶର ଲୋକମାନେ ମଧ୍ୟ ଜଡିତ ହୋଇଥିଲେ । ଏହି କାର୍ଯ୍ୟକ୍ରମକୁ ପରିଚାଳନା କରିଥିଲେ ବିଜେଡି ଦଳ ତଥା ସୌଦାମିନୀ ପ୍ରୋଜେକ୍ଟର ସଦସ୍ୟ ଶ୍ରୀ ପ୍ରମୋଦ ପ୍ରଧାନ । ପ୍ରୋଜେକ୍ଟ ସୌଦାମିନୀ କେଆରସ୍‌, ଗ୍ଲୋବାଲ ୱେଷ୍ଟର୍ନ ଓଡ଼ିଶା ,ଜୁହାର ଫାଉଣ୍ଡେସନ ମୁମ୍ବାଇର ମିଳିତ ଉଦ୍ୟମରେ ଏହିଭଳି ସେବା ଆଗକୁ ଜାରି ରହିବ ବୋଲି ଜିତେନ୍ଦ୍ର ମିଶ୍ର ସୂଚନା ଦେଇଛନ୍ତି । ଏହି କାର୍ଯ୍ୟକ୍ରମକୁ ପରିଚାଳନା କରିବାରେ ଉମାକାନ୍ତ ମିଶ୍ର, ସୁମନ୍‌ ବେହେରା, ସନ୍ତୋଷ ମହାନ୍ତି, ସତ୍ୟ ରାଓ, ନିରୋଜ ପଟ୍ଟନାୟକ, ସିତମ ସାଗର ବେଦବାକ, ବିଶ୍ୱରଞ୍ଜନ ରଥ, ଉମେଶ ବଛା, ସୁଦିପ କୁମାର୍‌ ତ୍ରିପାଠୀ, ସୁଧୀରଦାସ ପ୍ରମୁଖ ସହଯୋଗ କରିଥିଲେ । ଶେଷରେ ଦୀପକ ପୂଝାରୀ ଧନ୍ୟବାଦ ଜ୍ଞାପନ କରିଥିଲେ ।