ଦାରିଙ୍ଗବାଡ଼ି୧୩/୬- ଦାରିଙ୍ଗବାଡ଼ି ବ୍ଲକ ବ୍ରାହ୍ମଣୀଗାଁ ଥାନା ଅନ୍ତର୍ଗତ ସିକରମାହା ଘାଟିରେ ଦୁର୍ଘଟଣା ଘଟିବାରୁ ଚାଳକ ଜଣକ ଗୁରୁତର ଭାବେ ଆହତ ହୋଇଛନ୍ତି l ଗୁରୁତର ଜଣକ ହେଲେ ଗଞ୍ଜାମ ଜିଲ୍ଲା ସୋରଡ଼ା ଥାନା ରଙ୍ଗାବାଲି ଗ୍ରାମର ପ୍ରତାପ ଗୌଡ଼(୫୦) l ସୂଚନା ପ୍ରକାରେ ଗୁରୁତର ଆହତ ହୋଇଥିବା ପ୍ରତାପ ରବିବାର ସକାଳୁ ନିଜ ଗ୍ରାମରୁ ନିଜର ଟିଭିଏସ ଲୁନା ବାଇକରେ ପରିବା ଧରି ଦାରିଙ୍ଗବାଡ଼ି ଅଞ୍ଚଳକୁ ଆସିଥିଲେ ଦାରିଙ୍ଗବାଡ଼ିରେ କିଛି ବିକ୍ରି କରିବା ପରେ ସେ ବ୍ରାହ୍ମଣୀଗାଁ ଅଂଚଳକୁ ଯିବାବେଳେ ସିକରମାହା ଘାଟିରେ ପ୍ରତାପ ଭାରସାମ୍ୟ ହରାଇବାରୁ ଲୁନା ବାଇକଟି ଘାଟିର ୧୦ଫୁଟ ଖାଲ ଭିତରକୁ ଖସି ପଡ଼ିଥିଲା l
ସ୍ଥାନୀୟ ଲୋକଙ୍କ ସହାୟତାରେ ୧୦୮ଆମ୍ବୁଲାନ୍ସ ଦ୍ୱାରା ଗୁରୁତରଙ୍କୁ ଦାରିଙ୍ଗବାଡ଼ି ଗୋଷ୍ଠୀ ସ୍ୱାସ୍ଥ୍ୟରେ ଭର୍ତି କରାଯାଇଥିବା ବେଳେ ପ୍ରାଥମିକ ଚିକିତ୍ସା ପରେ ଅବସ୍ଥା ଗୁରୁତର ଥିବାରୁ ତାଙ୍କୁ ବ୍ରହ୍ମପୁର ସ୍ଥାନାନ୍ତର କରାଯାଇଥିବା ସୂଚନା ମିଳିଛି l
