ଚଣ୍ଡିଖୋଲ: ବଡଚଣା ବ୍ଲକ ପାରିଆ ପଞ୍ଚାୟତ ବରୁଣିଆସ୍ଥିତ ଅଫିସ ସାମ୍ନା ରାସ୍ତାରେ ଏକ ବାଇକ ଯୋଗେ ୨ଜଣ ଯୁବକ ୪୦ଗୋଟି ବିଦେଶୀ ମଦ ନେଇ ଯାଉଥିବା ବେଳେ କୌଣସି ସୂତ୍ରରୁ ଖବର ପାଇଁ ବୈରୀ ଥାନା ଏଏସ୍ଆଇ ଅନିଲ ସାହୁ, ଏ.ଆଇ ବିଶ୍ୱଜିତ ବିଶ୍ୱାଳ, ପୁଲିସ କର୍ମଚାରୀ ଅସରଫ ଅଲ୍ଲୀ ରାଜ ବାଇକ ସହ ୨ଜଣ ଯୁବକଙ୍କୁ କାବୁ କରିଥିଲେ । ଥଣ୍ଡା ପାନୀୟ ଜଳ ଟ୍ରେରେ ମଦ ନେଇ ଯାଉଥିବା ସୂଚନା ମିଳିଛି । ଗିରଫ ୨ ଯୁବକ ମାହାଙ୍ଗା ବ୍ଲକର ଦୌଲତପୁର ଓ ବଉଳା ଗ୍ରାମର ବୋଲି ଜଣାପଡିଛି । ସଟଡାଉନ, ଲକଡାଉନର ଫାଇଦା ଉଠାଉଥିବା ଚୋରା ମଦ ବେପାରୀଙ୍କ ସଂଖ୍ୟା ଦିନକୁ ଦିନ ବୃଦ୍ଧି ପାଉଛି । ସେହିପରି ବଡଚଣା ବ୍ଲକର ଧାନମଣ୍ଡଳ, ଚଣ୍ଡିଖୋଲ, ଛତିଆ,ଖଇରା ଆଦି ଅଂଚଳରେ ବେଧଡକ ଚୋରା ଦେଶିବିଦେଶୀ ମଦ ଖୁଲମଖୁଲା ବିକ୍ରି ହେଉଥିବା ଜଣାପଡିଛି । ଦିନକୁ ଦିନ ଏ ନେଇ ଜନଅସନ୍ତୋଷ ବୃଦ୍ଧି ପାଉଛି ।
