ଫୁଲବାଣୀ,୧୮/୭ – ରବିବାର କନ୍ଧମାଳ ଜିଲ୍ଲାର ଫୁଲବାଣୀ ସମ୍ବାଦ ସାହିତ୍ୟ ଘର ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମକୁ ଜିଲ୍ଲା ଲେଖକ ସାମୁଖ୍ୟର ସଭାପତି ଏବଂ ବରିଷ୍ଠ ଆଇନଜୀବୀ ରବିନ୍ଦ୍ର ନାଥ ମିଶ୍ର ମୁଖ୍ୟ ଅତିଥି ଭାବେ ଯୋଗଦେଇ ବୃକ୍ଷରୋପଣ କରିବା ସହ ବର୍ତ୍ତମାନ ସମୟରେ ବୃକ୍ଷର ଆବଶ୍ୟକତା ଓ ଗୁରୁତ୍ୱ ଉପରେ ଆଲୋକପାତ କରିଥିଲେ । ଅନ୍ୟ ମାନଙ୍କ ମଧ୍ୟରେ ଜିଲ୍ଲା ଲେଖକ ସାମୁଖ୍ୟର ସମ୍ପାଦକ ତଥା ଶିଶୁ କବି ରୂପେ ପରିଚିତ କୈଳାସ ଚନ୍ଦ୍ର ଧଳ ଜିଲ୍ଲା ପ୍ରତିନିଧି ଜନଜାତି ଗବେଷକ ଡ଼ଃ ରଂଜନ ପ୍ରଧାନ, ଜିଲ୍ଲା ଶିଶୁ ସୁରକ୍ଷା କମିଶନ ଅଧ୍ୟକ୍ଷ ଅଶୋକ କୁମାର ବେହେରା, ସାହିତ୍ୟିକ ଅଶୋକ ମିଶ୍ର, ପ୍ରସନ୍ନ କୁମାର ପଣ୍ଡା,ବନ ବିହାରୀ ନନ୍ଦଙ୍କ ସମେତ ଅନେକ ସାହିତ୍ୟିକ ଯୋଗଦେଇ କାର୍ଯ୍ୟକ୍ରମକୁ ସାଫଲ୍ୟ ମଣ୍ଡିତ କରାଇଥିଲେ ।
