ସୁବର୍ଣ୍ଣପୁର,୧୬/୮-ଆଜି ସ୍ୱଚ୍ଛ ଭାରତ ସଂଗଠନ ସୋନପୁର -ମନମୁଣ୍ଡା ପକ୍ଷରୁ ମନମୁଣ୍ଡା ସୁବର୍ଣ୍ଣମେରୁ ଶୈବ ପୀଠ ଠାରେ ଏକ ସଫେଇ ଅଭିଯାନ କରାଯାଇଥିଲା । ଏହି ଅଭିଯାନରେ ସଂଗଠନର ସକ୍ରିୟ ସଦସ୍ୟ ଡାକ୍ତର ସୁନୀଲ ମହାପାତ୍ର, ଗଣେଶ ମିଶ୍ର, ତରଣୀ ମେହେର, ବିଜୟ ତ୍ରିପାଠୀ, ଲଡ଼ୁ କିଶୋର ମଲ୍ଲିକ, ମନୋରଞ୍ଜନ ତ୍ରିପାଠୀ, ପ୍ରଫୁଲ୍ଲ ନାଏକ, ଛନ୍ଦାଚରଣ ମେହେର, ତ୍ରିଲୋଚନ ତରିଆ, ପ୍ରତାପ ଦାଶ, ଜୟ ନାରାୟଣ ସାହୁ, କ୍ରିଷ୍ଣା ମେହେର, ଗୋପାଳ ମେହେର ପ୍ରମୁଖ ଅନେକ ସଦସ୍ୟ ଅଂଶଗ୍ରହଣ କରିଥିଲେ । ପ୍ରକାଶଥାଉକି ଯେ ଦୀର୍ଘବର୍ଷ ୨୦୧୪ରୁ ଏହି ସଂଗଠନ ସୋନପୁର ଓ ମନମୁଣ୍ଡା ଉଭୟ ସହରର ବିଭିନ୍ନ ମନ୍ଦିର, ଉତ୍ସବ ଓ ମେଡିକାଲର ସଫେଇ ଅଭିଯାନ, ତେଲନଦୀ ବ୍ରିଜର ସଫେଇ ଓ ତାରି ରକ୍ଷଣାବେକ୍ଷଣ ପାଇଁ ପ୍ରଶାସନ ସହ ଯୋଗାଯୋଗ ଜାରି ରଖି ଆସିଛନ୍ତି । ସଫେଇ, ବିଭିନ୍ନ ସାମାଜିକ କାର୍ଯ୍ୟ ମାଧ୍ୟମରେ ଉଭୟ ଜ଼ିଲ୍ଲାରେ ସ୍ୱଚ୍ଛ ସହର ଓ ପରିବେଶ ସୁରକ୍ଷା ଲାଗି ଜନସାଧାରଣଙ୍କୁ ସଚେତନତା ବାର୍ତ୍ତା ପହଁଚାଇବାରେ ଏକ ପ୍ରମୁଖ ଭୂମିକା ନିଭାଇ ଆସୁଛନ୍ତି । ସଂଗଠନର ଏତାଦୃଶ ପଦକ୍ଷେପକୁ ଉଭୟ ଜିଲ୍ଲାର ସଚେତନ ବର୍ଗ ଖୁସି ପ୍ରକଟ କରିଛନ୍ତି ।
