ପୁରୀ,୧୬/୮- ପୁରୀର ଶ୍ରୀଜଗନ୍ନାଥ ସେନା ପକ୍ଷରୁ ୭ ଦଫା ଦାବିନେଇ ଏକ ଦାବିପତ୍ର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ଦିଆଯାଇଛି । ଶ୍ରୀମନ୍ଦିର ଚାରିଦ୍ୱାରରେ ପୁରୀବାସୀଙ୍କୁ ପ୍ରବେଶ ଅନୁମତି , ରତ୍ନ ଭଣ୍ଡାର ଯାଞ୍ଚ ଓ ସୁରକ୍ଷା , ସିଂହଦ୍ୱାରରେ ଦଶାବତାର ମୂର୍ତ୍ତିସ୍ଥାପନ , ୨୦୨୦ ରେ ହୋଇଥିବା ଐତିହାସିକ ରଥଯାତ୍ରାର ସ୍ମୃତିରକ୍ଷା ପାଇଁ ତିନିରଥ କାହିଁକି ମ୍ୟୁଜିଅମରେ ରଖା ଗଲା ନାହିଁ ତାହାର ଜବାବ , ମହାପ୍ରଭୁ ଙ୍କୁ ପିତ୍ତଳ ଥାଳି ପରିବର୍ତ୍ତେ ସୁନା ଥାଳିରେ ଭୋଗ ଦିଆଯିବା , ଏମାର ମଠରୁ ଜବତ ୫୨୨ ଟି ରୂପାଇଟାକୁ ଶ୍ରୀମନ୍ଦିର ରତ୍ନ ଭଣ୍ଡାର ଆଣିବା ୭ ଦଫା ଦାବି ନେଇ ଏହି ଦାବିପତ୍ର ଶ୍ରୀଜଗନ୍ନାଥ ସେନା ପକ୍ଷରୁ ଦିଆଯାଇଛି । ଏହିଦାବି ସରକାର ତୁରନ୍ତ ପୂରଣ ନକଲେ ସଂଗଠନ ଆନ୍ଦୋଳନକୁ ଓହ୍ଲାଇବାକୁ ଚେତାବନୀ ଦେଇଛି ।
