ଭୁବନେଶ୍ୱର : ଟୋକିଓ ଅଲିମ୍ପିକ୍ସରେ ରୌପ୍ୟ ପଦକ ଜିତିଥିବା ଭାରତୀୟ ପୁରୁଷ ହକି ଦଳ ଓ ଚମକ୍ରାର ପ୍ରଦର୍ଶନ କରି ସେମିଫାଇନାଲରେ ପ୍ରବେଶ କରିଥିବା ମହିଳା ହକି ଦଳ ଆଜି ଓଡିଶାର ଅତିଥି ଭାବେ ଯୋଗ ଦେଇଛନ୍ତି । ଉଭୟ ଦଳ ଆଜି ଓଡିଶାରେ ପହଞ୍ଚିବା ପରେ ବିମାନବନ୍ଦରରେ ତାଙ୍କୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦିଆଯାଇଥିଲା । ଅପରାହ୍ନରେ ଭାରତୀୟ ଟିମ୍ର ପ୍ରେସ ମିଟର ଆୟୋଜନ ହୋଇଥିଲା ।
ଏହି ଅବସରରେ ମହିଳା ହକି ଦଳର ଅଧିନାୟିକା ରାନୀ ରାମପାଲ କହିଥିଲେ ଯେ, ଓଡିଶାବାସୀଙ୍କ ହୃଦୟରେ ହକି ରହିଛି, ଏହା ଖୁବ୍ ଆକର୍ଷିତ କରେ ବୋଲି ସେ କହିଥିଲେ । ଏହା ସହିତ ଓଡିଶାବାସୀଙ୍କୁ ଉଚ୍ଚ ପ୍ରଶଂସା କରିବା ସହିତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ମଧ୍ୟ ଖୁବ ପ୍ରଶଂସା କରିଛନ୍ତି । ନବୀନ ହକି ପାଇଁ ବହୁତ କିଛି କାମ କରିଛନ୍ତି ଓ ଭିତ୍ତିଭୂମି ସଜାଡିଛନ୍ତି ବୋଲି ସେ କହିଛନ୍ତି । ସେ ଆହୁରି ମଧ୍ୟ କହିଛନ୍ତି ତାଙ୍କର ଦଳର ଆଗାମୀ ଟାର୍ଗେଟ୍ ହେଉଛି ଏସିଆ କପ୍ । ଏସିଆ କପ୍ରେ ଭଲ ପଦର୍ଶନ କରି ବିଶ୍ୱକପ ଖେଳିବା ପାଇଁ ଯୋଗ୍ୟତା ଅର୍ଜନ କରିବା ବୋଲି ସେ କହିଛନ୍ତି ।
