ବୌଦ୍ଧ,୧୯/୮- ଆଜି ବୌଦ୍ଧ ଅବକାରୀ ବିଭାଗ ଦ୍ୱାରା ଚଢଉ କରାଯାଇ ୨୧ କେଜି ଗଂଜେଇ ଜବତ କରିବା ସହ ୩ ଜଣଙ୍କୁ ଗିରଫ କରିଥିବା ଜଣାପଡିଛି । ବୌଦ୍ଧର ଅବକାରୀ ଅଧୀକ୍ଷକ କ୍ରିଷ୍ଣା ନାୟକଙ୍କ ନିର୍ଦ୍ଦେଶକ୍ରମେ ବୌଦ୍ଧ ଅବକାରୀ ଇନ୍ସପେକ୍ଟର ସାଗରୀକା ପ୍ରଧାନଙ୍କ ନେତୃତ୍ୱରେ ଅବକାରୀ ଏକ ଟିମ କୌଣସି ସୂତ୍ରରୁ ଖବର ପାଇ ଝାଡ୍ରାଜିଙ୍ଗ ସ୍ଥିତ ହୋଟେଲ ସ୍ୱାଦିଷ୍ଟ ନିକଟରେ ଅଟକିଥିବା ଏକ ସ୍କୋର୍ପିଓ ଗାଡି ଉପରେ ଚଢ଼ାଉ କରିଥିଲେ । ଓଡି ୦୨ଏସ୍ ୫୫୮୮ ନମ୍ବର ବିଶିଷ୍ଟ ଏହି ଗାଡିରୁ ୨୧ କେଜି ଗଂଜେଇ ଜବତ ହେବା ସହିତ ତିନି ଜଣଙ୍କୁ ଗିରଫ କରାଯାଇଥିବା ଜଣାପଡିଛି । ଗିରଫ ବ୍ୟକ୍ତିମାନେ ହେଲେ ସ୍ଥାନୀୟ କୋଇଲିସୁତା ଗାଁର ଚନ୍ଦନ ବେହେରା (୨୮), କମିରା ଗାଁର ବୀରେନ୍ଦ୍ର ପ୍ରଧାନ (୫୧), ବାଘପାଲି ଗାଁର ଲବଣି ସେଠି (୨୭) । ଏମାନେ ଫୁଲବାଣୀ ଅଂଚଳରୁ ସମ୍ବଲପୁରକୁ ଗଂଜେଇ ଚାଲାଣ କରୁଥିବା ଅବକାରୀ ବିଭାଗ ତରଫରୁ ଜଣାପଡିଛି । ସ୍କୋର୍ପିଓ ଗାଡିକୁ ଜବତ କରାଯିବା ସହ ତିନି ଅଭିଯୁକ୍ତଙ୍କୁ କୋର୍ଟଚାଲାଣ କରାଯାଇଥିବା ଜଣାପଡିଛି ।
