ପାରଳାଖେମୁଣ୍ଡି : ଗଜପତି ଜିଲ୍ଲା ଫୋଟ ଗ୍ରାଫି ସଙ୍ଘ ଦ୍ୱାରା ବିଶ୍ୱ ଫୋଟଗ୍ରାଫି ଦିବସ ଆଜି ପାଳିତ ହୋଇ ଯାଇଛି ।ଏହି ଉପଲକ୍ଷେ ପାରଳାଖେମୁଣ୍ଡି ସ୍ଥିତ କୁଷ୍ଠାଶ୍ରମର ଅନ୍ତେବାସୀଙ୍କୁ ଖାଦ୍ୟ ଜିନିଷ,ପରିବା,ଚାଉଳ ଆଦି ସଙ୍ଘ ତରଫରୁ ବଣ୍ଟନ କରାଯାଇଥିଲା । ଏହା ପରେ ପାରଳା ରାଜଦାଣ୍ଡ ରେ ସଙ୍ଘର କର୍ମକର୍ତ୍ତାଙ୍କ ଦ୍ୱାରା ଏକ ସଭାର ଆୟୋଜନ ହୋଇଥିଲା ।ଏଥିରେ ଫୋଟଗ୍ରାଫିର ସୃଷ୍ଟି କର୍ତ୍ତା ଲୁଇସ ଜେ ଏମ୍ ଡ଼ାଗରଙ୍କ ଫୋଟ ଚିତ୍ରରେ ପୁଷ୍ପ ମାଲ୍ୟ ଅର୍ପଣ କରି ସ୍ମୃତିଚାରଣ କରାଯାଇଥିଲା ।ଏହା ସହ ଗଜପତି ଜିଲ୍ଲା ଫୋଟ ଗ୍ରାଫି ସଙ୍ଘର ପୂର୍ବତନ ଅଧ୍ୟକ୍ଷ ବିଶ୍ୱ ନାଥ ମିଶ୍ରଙ୍କୁ ମଧ୍ୟ ଶ୍ରଦ୍ଧାଞ୍ଜଳି ଜ୍ଞାପନ କରା ଯାଇଥିଲା ।ଏହି କାର୍ଯ୍ୟକ୍ରମରେ ସଙ୍ଘର ପି.ଶ୍ରୀନିବାସ ରେଡ୍ଡୀ, ଭି.ଦିଲେଶ୍ୱର ରାଓ, କେ.ଧବଳେଶ୍ୱର ରାଓ, ଜଗଦୀଶ ମିଶ୍ର,ଶ୍ୟାମ କୁମାର,ଏ.ଗଙ୍ଗାଧର ପ୍ରମୁଖ ଅଂଶ ଗ୍ରହଣ କରିଥିଲେ ।
