ନୂଆଦିଲ୍ଲୀ : ଦେଶରେ ୧୮ ବର୍ଷ ବୟସରୁ କମ୍ ପିଲାଙ୍କୁ ମିଳିବ ଶୀଘ୍ର କରୋନା ଟିକା। ଟିକା ନିର୍ମାତା କମ୍ପାନୀ ଜନସନ ଆଣ୍ଡ ଜନସନ ଭାରତରେ ଟିକା ପରୀକ୍ଷା ପାଇଁ ଭାରତ ସରକାରଙ୍କଠାରୁ ଅନୁମତି ଲୋଡିଛି। କମ୍ପାନୀ ୧୨ ରୁ ୧୭ ବର୍ଷ ବୟସର ପିଲାମାନଙ୍କ ଉପରେ ଏହି ଟିକା ପରୀକ୍ଷା କରିବ। ଅନ୍ୟପକ୍ଷରେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମାନସୁଖ ମାଣ୍ଡଭ୍ୟ ମଧ୍ୟ କହିଛନ୍ତି ଯେ ପିଲାମାନଙ୍କ ପାଇଁ ପ୍ରସ୍ତୁତ ଟିକାର ମାନବ ଫଳାଫଳର ପରବର୍ତ୍ତୀ ପର୍ୟ୍ୟାୟ ରିପୋର୍ଟ ଖୁବ ଶୀଘ୍ର ଆସିଯିବ।
ଯଦି ସବୁ ଠିକଠାକ୍ ହୁଏ, ପିଲାମାନେ ଶୀଘ୍ର କରୋନା ଟିକା ପାଇପାରିବେ। ଏମ୍ସର ନିର୍ଦ୍ଦେଶକ ଡକ୍ଟର ରଣଦୀପ ଗୁଲେରିଆ ମଧ୍ୟ କିଛି ଦିନ ପୂର୍ବରୁ ଏକ ବିବୃତ୍ତି ଦେଇ କହିଛନ୍ତି ଯେ ଭାରତ ବାୟୋଟେକର କୋଭାକ୍ସିନର ଦ୍ୱିତୀୟ ଏବଂ ତୃତୀୟ ପର୍ୟ୍ୟାୟ ମାନବ ପରୀକ୍ଷଣର ଫଳାଫଳ ସେପ୍ଟେମ୍ବର ସୁଦ୍ଧା ଶେଷ ଜଣାପଡିବ।
