ନୂଆଦିଲ୍ଲୀ : ଭାରତୀୟ ଜନତା ଦଳର ନେତା ଏଲ ଗଣେଶ ମଣିପୁରର ନୂତନ ରାଜ୍ୟପାଳ ହେବେ । ରାଷ୍ଟ୍ରପତି ରାମ ନାଥ କୋବିନ୍ଦ ରବିବାର ଦିନ ଭାରତୀୟ ଜନତା ପାର୍ଟି (ବିଜେପି) ନେତା ଏଲ ଗଣେସନଙ୍କୁ ମଣିପୁରର ରାଜ୍ୟପାଳ ଭାବେ ନିଯୁକ୍ତ କରିଛନ୍ତି । ରାଷ୍ଟ୍ରପତିଙ୍କ ପ୍ରେସ ସଚିବ ଅଜୟ କୁମାର ସିଂ ଏ ସଂପର୍କ ସୂଚନା ଦେଇଛନ୍ତି ।
ପୂର୍ବତନ ରାଜ୍ୟସଭା ସାଂସଦ ଏଲ୍ ଗଣେଶନ୍ ବିଜେପିରେ ଅନେକ ପଦବୀରେ ଅବସ୍ଥାପିତ ହୋଇଛନ୍ତି । ଅଗଷ୍ଟ ୨୦ ରେ ମଣିପୁରର ପୂର୍ବତନ ରାଜ୍ୟପାଳ ନଜମା ହେପତୁଲ୍ଲାଙ୍କ ଅବସର ପରେ ତାଙ୍କ ଏହି ଦାୟିତ୍ୱ ଦିଆଯାଇଛି । ସେ ତାମିଲନାଡୁ ବିଜେପି ୟୁନିଟର ସଭାପତି ମଧ୍ୟ ରହିଛନ୍ତି । ରାଷ୍ଟ୍ରପତିଙ୍କ କାର୍ଯ୍ୟାଳୟ ଦ୍ୱାରା ଜାରି ପ୍ରେସ ବିଜ୍ଞପ୍ତି ଅନୁଯାୟୀ ଗଣେଶଙ୍କ ନିଯୁକ୍ତି ସେ କାର୍ଯ୍ୟଭାର ଗ୍ରହଣ କରିବା ଦିନଠାରୁ କାର୍ଯ୍ୟକାରୀ ହେବ । ଗଣେଶ ମଣିପୁରର ୧୭ ତମ ରାଜ୍ୟପାଳ ହେବେ । ତାଙ୍କର କାର୍ଯ୍ୟକାଳ ୫ ବର୍ଷ ହେବ ।
