ପାରଳାଖେମୁଣ୍ଡି : ଗଜପତି ଜିଲ୍ଲାସ୍ତରୀୟ ମାଧ୍ୟମିକ ସ୍କୁଲ ଶିକ୍ଷକ ସଂଘ (ଓଷ୍ଟା)ର ଏକ ସାମ୍ବିଧାନିକ ସମ୍ମିଳନୀ ମହେନ୍ଦ୍ର ଗଡ ସ୍ଥିତ କାର୍ତ୍ତିକ ଗୋମଙ୍ଗ ଉଚ୍ଚ଼ ବିଦ୍ୟାଳୟରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ରାଜ୍ୟ ସାଧାରଣ ସମ୍ପାଦକ ପ୍ରକାଶ ଚନ୍ଦ୍ର ମହାନ୍ତି, ରାଜ୍ୟ ସହ ସମ୍ପାଦକ ରଞ୍ଜନ କୁମାର ଦାସ, ରାଜ୍ୟ କୋଷାଧ୍ୟକ୍ଷ ଅଶୋକ କୁମାର ଶତପଥୀ ଅତିଥି ଓ ପର୍ଯ୍ୟବେକ୍ଷକ ରୂପେ ଯୋଗଦାନ କରିଥିବା ବେଳେ ଜିଲ୍ଲାର ପ୍ରାୟ ୧୦୦ ଜଣ ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ । ଆଗାମୀ ୩ ବର୍ଷ ନିମନ୍ତେ ସର୍ବ ବି. ତିରୁମାଲା ରାଓ ପଟ୍ଟନାୟକ ସଭାପତି ରୂପେ ଏବଂ ପ୍ରଫୁଲ୍ଲ କୁମାର ମହାନ୍ତି ସମ୍ପାଦକ ରୂପେ ମନୋନୀତ ହେବା ସଙ୍ଗେ ସଙ୍ଗେ ଅନ୍ୟାନ୍ୟ ପଦବୀ ନିମନ୍ତେ ୧୧ ଜଣ ଶିକ୍ଷକ ଶିକ୍ଷୟିତ୍ରୀ ମନୋନୀତ ହୋଇ ଥିଲେ । ରାଜ୍ୟ ସମ୍ପାଦକ ପ୍ରକାଶ ଚନ୍ଦ୍ର ମହାନ୍ତି ଗଜପତି ଜିଲ୍ଲାର ମାଧ୍ୟମିକ ସ୍କୁଲ ଶିକ୍ଷକ ମାନଙ୍କର ବିଭିନ୍ନ ସମସ୍ୟା ସମ୍ପର୍କରେ ଦୃଷ୍ଟି ଦେବା ସହତାହାର ସମାଧାନ ନିମନ୍ତେ ପ୍ରତିଶୃତି ଦେଇ ଥିଲେ । ଜିଲ୍ଲା ସଭାପତି ଶ୍ରୀ ପ୍ରଫୁଲ୍ଲ କୁମାର ମହାନ୍ତି ସଭା ପରିଚାଳନା କରିଥିଲେ । ମହେନ୍ଦ୍ର ଗଡ଼ କାର୍ତ୍ତିକ ଗୋମାଙ୍ଗ ଉଚ୍ଚ଼ ବିଦ୍ୟାଳୟର ପ୍ରଧାନଶିକ୍ଷକ ଧନ୍ୟବାଦ ଅର୍ପଣ କରିବା ସହ ବିଦ୍ୟାଳୟର ସମସ୍ତ କର୍ମଚାରୀ ବୃନ୍ଦ ସହଯୋଗ କରିଥିଲେ ।
