ବୌଦ୍ଧ,୭/୯- ବୌଦ୍ଧ କେନ୍ଦ୍ରୀୟ ବିଦ୍ୟାଳୟ ଠାରେ ଆଜି ଶିକ୍ଷକ ପର୍ବ ୨୦୨୧ ପାଳିତ ହୋଇଯାଇଛି । ଏହି ଉପଲକ୍ଷେ କେନ୍ଦ୍ରୀୟ ବିଦ୍ୟାଳୟ ପକ୍ଷରୁ ସମସ୍ତ ଅଭିଭାବକ ଏବଂ ଛାତ୍ର, ଛାତ୍ରୀ ମାନଙ୍କୁ ଶିକ୍ଷକ ପର୍ବ ବିଷୟରେ ଅବଗତ କରାଯାଇ ଏଥିସହିତ ୱେବଲିଙ୍କ ଦିଆଯାଇଥିଲା । କରୋନା କଟକଣାକୁ ନଜରରେ ରଖି ବିଦ୍ୟାଳୟ ପକ୍ଷରୁ ଏହି ପ୍ରକାର ପଦକ୍ଷେପ ନିଆଯାଇଥିଲା । ଏହା ଫଳରେ ସମସ୍ତ ଅଭିଭାବକ, ଛାତ୍ର, ଛାତ୍ରୀ ଘରେ ବସି ଭାରତର ପ୍ରଧାନମନ୍ତ୍ରୀଙ୍କ ଅଭିଭାଷଣ, ଶିକ୍ଷକ ପର୍ବର ଆଭିମୁଖ୍ୟ, ୱେବିନାର ବିଷୟରେ ସବିଶେଷ ତଥ୍ୟ ଜାଣିପାରିଥିଲେ । ଏହି ଶିକ୍ଷକ ପର୍ବରେ ଅଧ୍ୟକ୍ଷା କେନ୍ଦ୍ରୀୟ ବିଦ୍ୟାଳୟ ସୁଜାତା ରଥ, ଶିକ୍ଷୟତ୍ରୀ ରାଜଲକ୍ଷ୍ମୀ ବିଶ୍ୱାଳ, ବିଜୟା ପ୍ରଧାନ, ପ୍ରତିଭା ଦେବୀ , ଶିକ୍ଷକ ପ୍ରଦୀପ କୁମାର ପଣ୍ଡା, ଶ୍ରୀନିବାସ ହାତୀ, କରମବିର ସିଂହ, ହରିଶଙ୍କର ରାୟ, ହରେନ୍ଦ୍ର କୁମାର ପ୍ରମୁଖ ଯୋଗ ଦେଇଥିଲେ । ଏହି ଶିକ୍ଷକ ପର୍ବ ଆଜିଠାରୁ ଆରମ୍ଭହୋଇ ଆସନ୍ତା ୧୭ ତାରିଖ ପର୍ଯ୍ୟନ୍ତ ବିଦ୍ୟାଳୟମାନଙ୍କରେ ପାଳିତ ହେବ ।
