ପାଟଣାଗଡ଼ : ବଲାଙ୍ଗୀର ଜିଲ୍ଲା ଖପ୍ରାଖୋଲ ବ୍ଲକ ବେନକେରା ଗାଁ ଠାରେ ମାଁ ସମଲେଶ୍ୱରୀ କ୍ଲବ ପକ୍ଷରୁ ପଞ୍ଚିମ ଗଣପର୍ବ ନୂଆଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । ଗ୍ରାମର ନୃତ୍ୟ ଶିଳ୍ପୀ ଏବଂ ଆଖପାଖ ଗାଁର ନୃତ୍ୟ ଶିଳ୍ପୀମାନଙ୍କୁ ନେଇ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା ଝିପିଝିପି ବର୍ଷାରେ ଗ୍ରାମର ଦର୍ଶକମାନେ କାର୍ଯ୍ୟକ୍ରମକୁ ବେଶ ମଜା ନେଇଥିଲେ । ପ୍ରତିଯୋଗିତାରେ ବୁଡିବାହାଲ ଡାନ୍ସ ଗ୍ରୁପ ପ୍ରଥମ ସ୍ଥାନ ଅଧିକାର କରିଥିବା ବେଳେ ବେନକେରାର ଚନ୍ଦ୍ରମା କଠାର ଦ୍ୱିତୀୟ ସ୍ଥାନ ଏବଂ ଡାଲଖାଇ ସଂସ୍କୃତି କଳାପରିଷଦ ତୃତୀୟ ସ୍ଥାନ ଅଧିକାର କରିଥିଲେ । କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ପୂର୍ବତନ ସମିତି ସଭ୍ୟ ସୁନନ୍ଦ ପୁଟେଲ ସମ୍ମାନିତ ଅତିଥି କୋଶଲ ଯୁବ ସମନ୍ୱୟ ସମିତି ସଦସ୍ୟ ଧର୍ମରାଜ ବରିହା, ଟିକେଶ୍ୱର ବରିହା ପ୍ରମୁଖ ଉପସ୍ଥିତ ଥିଲେ । ନୃତ୍ୟ ପ୍ରତିଯୋଗିତାର ବିଚାରକ ଭାବରେ ଡ଼ି.ଏସ.କେ.ଟ୍ରଷ୍ଟର ସୁଧାଂଶୁ ପୁଟେଲ, ଭୋଜରାଜ ବରିହା, କେଶର ଡୁଡୁକା ଥିଲେ ଏବଂ କାର୍ଯ୍ୟକ୍ରମକୁ ବିଶେଷ ସହଯୋଗ କରିଥିଲେ ଆନନ୍ଦ କୁମାର ପୁଟେଲ, ହେମସାଗର ମେହେର । ଶେଷରେ ପ୍ରତିଯୋଗୀମାନଙ୍କୁ ତାଙ୍କ ଭବିଷ୍ୟତ ଉଜ୍ଜ୍ୱଳ କାମନା କରି ପୁରସ୍କୃତ କରାଯାଇଥିଲା ।
