ଦୁବାଇ : ଇଣ୍ଡିଆନ ପ୍ରିମିୟର ଲିଗ୍(ଆଇପିଏଲ)ର ୧୪ତମ ସିଜିନର ଦ୍ଵିତୀୟ ପର୍ଯ୍ୟାୟ ଆଜିଠାରୁ ଆରମ୍ଭ ହେବାକୁ ଯାଉଛି। ଟୁର୍ଣ୍ଣାମେଣ୍ଟରର ପ୍ରଥମ ମୁକାବିଲାରେ ଡିଫେଣ୍ଡିଂ ଚାମ୍ପିଅନ ମୁମ୍ବାଇ ଇଣ୍ଡିଆନ୍ସ ଓ ଚେନ୍ନାଇ ସୁପର କିଙ୍ଗ୍ସ ପରସ୍ପରକୁ ଭେଟିବେ। ଏହା ପୂର୍ବରୁ ପ୍ରଥମ ପର୍ଯ୍ୟାୟରେ ଯେବେ ଦୁଇ ଦଳ ପରସ୍ପରକୁ ଭେଟିଥିଲେ, ସେତେବେଳେ ରୋହିତ ଶର୍ମାଙ୍କ ଦଳ ମହେନ୍ଦ୍ର ସିଂହ ଧୋନୀଙ୍କ ଚେନ୍ନାଇକୁ ମାତ୍ ଦେଇଥିଲା। ତେଣୁ ଚେନ୍ନାଇ ଉକ୍ତ ମ୍ୟାଚ୍ରେ ହିସାବ ବରାବର କରିବାକୁ ଚାହିଁବ। ମୁମ୍ବାଇ ଦଳ ସର୍ବଦା ପରି ପୁଣି ଥରେ କାଗଜ କଲମରେ ମଜବୁତ ନଜର ଆସୁଛି। ମୁମ୍ବାଇ ପାଇଁ ସବୁଠୁ ଭଲ ଖବର ଏହା ଯେ, ସମସ୍ତ ଖେଳାଳି ପ୍ରଥମ ମୁକାବିଲା ପାଇଁ ଉପଲବ୍ଧ ଅଛନ୍ତି। ରୋହିତ ସାଧାରଣତଃ ଚୂଡାନ୍ତ ଏକାଦଶରେ ଅଦଳ ବଦଳ କରିବାରେ ବିଶ୍ଵାସ ରଖନ୍ତି ନାହିଁ।
