ସୁବର୍ଣ୍ଣପୁର ,୨୧/୯- ସ୍ଥାନୀୟ ବ୍ଲକଛକ ଦୁର୍ଗାପୂଜା କମିଟିର ପ୍ରଥମ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ବୈଠକରେ ପୂର୍ବବର୍ଷର ଆୟବ୍ୟୟ ହିସାବ ଉପସ୍ଥାପନ କରାଯାଇ ଚଳିତବର୍ଷ ପୂଜା କୋଭିଡ଼ କଟକଣାକୁ ଅନୁପାଳନ ପୂର୍ବକ ରୀତିନୀତି ଅନୁସାରେ ପାଳନ କରାଯିବାକୁ ନିଷ୍ପତ୍ତି ହୋଇଥିଲା । ପରେ ପୂଜା ପରିଚାଳନା ପାଇଁ ନୂତନ କମିଟି ଗଠନ କରାଯାଇଥିଲା । ସର୍ବସମ୍ମତିକ୍ରମେ କମିଟିର ସଭାପତି ଅରବିନ୍ଦ ବାରିକ, ଉପ ସଭାପତି ଦିଲୀପ ପାତ୍ର, ନିଶାନ୍ତ ମହାନ୍ତି ସମ୍ପାଦକ, ଦଶରଥ ପ୍ରଧାନ ସହସମ୍ପାଦକ, ଆଦିତ୍ୟ ମହାପାତ୍ର କୋଷାଧ୍ୟକ୍ଷ ମନୋନୀତ ହୋଇଥିଲେ । ଉପଦେଷ୍ଟା ଭାବରେ ଡ. ଜ୍ୟୋତିରଞ୍ଜନ ବହିଦାର, ସତ୍ୟେନ୍ଦ୍ର ପାଢୀ, ଆଦିକନ୍ଦ ପାଣିଗ୍ରାହୀ, ଶମ୍ଭୁଭୂଷଣ ପଣ୍ଡା, ବିଧୁଭୂଷଣ ମିଶ୍ର, ଜ୍ୟୋତିରଞ୍ଜନ ପଟ୍ଟନାୟକ, ସନ୍ତୋଷ ସେଠୀ ପ୍ରମୁଖ ମନୋନୀତ ହୋଇଥିଲେ । ଏହା ସହିତ ଅର୍ଥ କମିଟି, ପୂଜା କମିଟି, ସାଂସ୍କୃତିକ କମିଟି, ରାବଣପୋଡି କମିଟି ମଧ୍ୟ ଗଠନକରାଯାଇଛି ।
