ସମ୍ବଲପୁର, ୨୪/୯- ସମାଜର ଚାରିଆଡେ ସ୍ୱଚ୍ଛତାର ପ୍ରଚାରପ୍ରସାର ପାଇଁ ଆଜି ଡିଆରଡିଏ କାର୍ଯ୍ୟାଳୟରୁ ସ୍ୱଚ୍ଛତା ରଥ ଗଡିବା ଶୁଭାରମ୍ଭ ହୋଇଛି । ଅତିରିକ୍ତ ପରିଯୋଜନା ନିର୍ଦ୍ଦେଶକ ପୂଜାର୍ଚ୍ଚନା ସହିତ ନଡ଼ିଆ ବାଡେଇ ସବୁଜପତକା ଦେଖାଇ ରଥର ଶୁଭାରମ୍ଭ କରିଥିଲେ । ଜିଲ୍ଲାର ବିଭିନ୍ନ ଅଞ୍ଚଳରେ ଏହି ରଥ ପହଞ୍ଚି ସେଠାକାର ଜନସାଧାରଣଙ୍କୁ ସଚ୍ଛତାର ଆବଶ୍ୟକତା ବିଷୟରେ ଅବଗତ କରାଇବ ବୋଲି ଏହାର ଉଦ୍ଦେଶ୍ୟ ରହିଛି । ଜିଲ୍ଲା ଜଳ ଓ ପରିମଳ ମିଶନ ପକ୍ଷରୁ ଏହି କାର୍ଯ୍ୟକ୍ରମ ସଂଚାଳିତ କରାଯାଇଛି । ଏଥିରେ ବିଭିନ୍ନ ଜଳର ଉତ୍ସ, ଜଳାଶୟ, ଭୂତଳ ଉତ୍ସ ସହିତ ପରିବେଶକୁ ପ୍ରଦୂଷଣମୁକ୍ତ ରଖିବାପାଇଁ ଜନସାଧାରଣଙ୍କ ମଧ୍ୟରେ ସଜାଗତା ଆଣିବା ସହିତ ପ୍ରାକୃତିକ ସଂସାଧନଗୁଡିକୁ ସୁରକ୍ଷିତ ରଖିବା ଓ ସରଳ ସୁସ୍ଥ ଜୀବନଯାପନ ପାଇଁ ରୋଗ ସଂକ୍ରମଣ ଠାରୁ ଦୂରେଇ ରହିବା ବିଷୟରେ ସୂଚନା ଦିଆଯାଉଛି ।
