ହରଭଙ୍ଗା,୨୫/୯- ବୌଦ୍ଧ ଜିଲ୍ଲା ହରଭଙ୍ଗା ବ୍ଲକ ଛତ୍ରଙ୍ଗ ଗ୍ରାମପଂଚାୟତ ଅନ୍ତର୍ଗତ ଧୁଙ୍ଗିଆମୁଣ୍ଡା ଗ୍ରାମର ପ୍ରଦୀପ କୁମାର ମଲ୍ଲିକ ଦୀର୍ଘବର୍ଷ ହେବ ସି.ଆର.ପି.ଏଫ ଯବାନ ଭାବେ କାର୍ଯ୍ୟକରି ତାଙ୍କର ଦାୟିତ୍ୱ ସଠିକ ଭାବେ ତୁଲାଇଛନ୍ତି । ଭାରତମାତାର ସେବା କରିଛନ୍ତି । ସମସ୍ତେ ଶୋଇଗଲା ପରେ ଦେଶର ସୀମାନ୍ତରେ ବନ୍ଧୁକ ଧରି ଶତୃପକ୍ଷଙ୍କୁ ଜଗି ରହୁଥିଲେ । ଦୀର୍ଘ ୨୦ ବର୍ଷ ଚାକିରିକାଳ ଭିତରେ ସେ ଅବସର ନେବାପରେ ନିଜ ଜନ୍ମମାଟିକୁ ଫେରିଛନ୍ତି । ନିଜ ଜନ୍ମମାଟିକୁ ବୀର ଯବାନ ଫେରିଥିବାବେଳେ ଗ୍ରାମବାସୀ ଭବ୍ୟ ସ୍ୱାଗତ କରିଛନ୍ତି । ବାଣ ଫୁଟାଇ, ବାଜା ବଜାଇ, ପାଟ ଶୋଭାଯାତ୍ରାରେ ବୀର ସୈନିକ ପ୍ରଦୀପ ମଲ୍ଲିକଙ୍କୁ ନିଜ ଗାଁ କୁ ପାଛୋଟି ନେଇଛନ୍ତି ଗ୍ରାମବାସୀ ।
