କଣ୍ଟାବାଞ୍ଜି : ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ସାମ୍ବାଦିକ ସଙ୍ଘ ପକ୍ଷରୁ ସ୍ଥାନୀୟ ଆଇବିରେ ଦିବଂଗତ ଅରିନ୍ଦମ ଦାସଙ୍କ ଅକାଳ ବିୟୋଗରେ ଶୋକ ସଭା ଆୟୋଜିତ ହୋଇଯାଇଛି । ସବୁବେଳେ ସାହସୀ ଓ ନିର୍ଭିକତା ସହ ଖବର ପ୍ରସାରଣ କରିବାରେ ମିଡ଼ିଆ ଜଗତରେ ଆଗକୁ ରହୁଥିଲେ ଅରିଦମ । ଏହି ପ୍ରକାର କର୍ତ୍ତବ୍ୟବହନ କରୁଥିବା ସମୟରେ ମହାନଦୀରେ ଓଡ୍ରାଫ ବୋଟ ଦୁର୍ଘଟଣା ଶିକାରରେ ଅଳ୍ପ ବର୍ଷରେ ପ୍ରାଣ ହରାଇଲେ ଓ ଟିଭି ମୁଖ୍ୟ ରିପୋର୍ଟର ଅରିନ୍ଦମ ଦାସ । ଏହାକୁ ମିଡ଼ିଆ ଜଗତରେ ଶୋକର ଲହରି ଖେଳିଯାଇଛି । ତାଙ୍କ ଆତ୍ମାର ସତଗତି ନିମନ୍ତେ ୨ ମିନଟ ନୀରବ ପ୍ରାର୍ଥନା କରାଯିବା ସହ ତାଙ୍କ ଫଟୋଚିତ୍ରରେ ପୁଷ୍ପ ଅର୍ପଣ କରିବା ସହ ସଂଘ ତରଫରୁ ସମବେଦନା ଜଣାଯାଇଥିଲା । ଏହି ସମୟରେ ସଙ୍ଘ ସଭାପତି ସୁବାଷ ଚନ୍ଦ୍ର ବେହେରା, ସମ୍ପାଦକ ଗୁରୁଦୟାଲ ହଂସ, ଜୀବନନନ୍ଦ ମହାନ୍ତି, ବିମଲ ଦାଶ, ଅନ୍ତିମ ପାଣିଗ୍ରାହୀ, ମୋହନ ସୋନି, କୈଳାସ ଶଗ୍ରୀଆ, କୀର୍ତ୍ତିକର ବାଗ, ବିନୋଦ ସିଂ ଉପସ୍ଥିତ ରହିଥିଲେ ।
