ଦେବଗଡ଼,୨ା୧୦: ପବିତ୍ର ଗାନ୍ଧୀଜୟନ୍ତୀ ଅବସରରେ ମନୋରମା କ୍ଲବ୍ ଆନୁକୁଲ୍ୟରେ ସ୍ଥାନୀୟ ଇନ୍ଦିରାଗାନ୍ଧୀ ଷ୍ଟାଡ଼ିୟମ ଠାରେ ମନୋଜ ମେମୋରିଆଲ ଟୁର୍ଣ୍ଣାମେଂଟ ଉଦ୍ଘାଟିତ ହୋଇଯାଇଛି । ୧୬ ଗୋଟ ଫୁଟବଲ୍ ଟିମ୍କୁ ନେଇ ଦୁଇଦିନ ଧରି ଅନୁଷ୍ଠିତ ହେଉଥିବା ଶନିବାର ପ୍ରଥମ ଦିନର ସେମି ଫାଇନାଲ ଖେଳରେ କୁଣ୍ଡାପିଠା ଓ ପୁରୁକୁଣ୍ଡା ଟିମ୍ ମଧ୍ୟରେ ଅନୁଷ୍ଠିତ ହୋଇଥିଲା । ଫଳରେ କୁଣ୍ଡାପିଠା ଦଳ ୪-୦ ଗୋଲରେ ପୁରୁକୁଣ୍ଡା ଦଳକୁ ପରାସ୍ତ କରି ଫାଇନାଲରେ ପ୍ରବେଶ କରିଛି । ମୁଖ୍ୟ ଅତିଥିଭାବେ ଦେବଗଡ଼ ପୋଲିସ୍ ବିଭାଗର ଏସ୍.ଡ଼ି,ପି,ଓ, ପ୍ରତ୍ୟୁଷ ରଞ୍ଜନ ମହାପାତ୍ର ଯୋଗ ଦେଇ ଥିବା ବେଳେ ସମ୍ମାନୀତ ଅତିଥିଭାବେ ସର୍ଜେଂଟ ଗୋବିନ୍ଦ ଚନ୍ଦ୍ର ମାରାଣ୍ଡି,ଆଦର୍ଶ ଥାନାର ଏସ୍.ଆଇ ଇନ୍ଚାର୍ଜ ବୁଦ୍ଧରାୟ ମାଝୀ,ଏସ୍.ଆଇ. ପ୍ରତାପ ଚନ୍ଦ୍ର ଦଳେଇ,ହାବିଲଦାର ଓ କନେଷ୍ଟବଳ ସଂପାଦକ ସଂଜୀବ ବେହେରା ପ୍ରମୁଖ ମଂଚାସୀନ ରହି ଖେଳାଳୀ ମାନଙ୍କୁ ଉତ୍ସାହୀତ କରିବା ସହ ଉଦ୍ଘାଟନ କରିଥିଲେ । ରେଫରୀ ଧିରେନ୍ଦ୍ର ନାଏକ,ସୁଧିର ଝାଙ୍କର,ସୁଧିର ଦାସ,ପ୍ରଦୀପ ବେହେରା,ପୁରୁଷୋତମ ସ୍ୱାଇଁ,ଡ଼ିଲେଶ୍ୱର ସ୍ୱାଇଁ,ଆରତୀ କିସାନ,ଲତା ସାମର୍ଥ ସମେତ କ୍ଲବର ସମସ୍ତ ସଦସ୍ୟ ପ୍ରମୁଖ ସହଯୋଗ କରିଥିଲେ ।
