ଫୁଲବାଣୀ,୧୧/୧୦- ଅଖିଳ ଭାରତୀୟ ବିଦ୍ୟାର୍ଥୀ ପରିଷଦର ପ୍ରାନ୍ତ ଅଭ୍ୟାସ ବର୍ଗ ଖୋର୍ଦ୍ଧାଠାରେ ଅନୁଷ୍ଠିତ ହୋଇଯାଇଛି । ଏଥିରେ କନ୍ଧମାଳ ଜିଲ୍ଲାର ବିଦ୍ୟାର୍ଥୀମାନେ ଯୋଗଦାନ କରିଥିଲେ । ଏହି ବର୍ଗରେ ପୁଣିଥରେ ଜିଲ୍ଲା ପ୍ରମୁଖ ଭାବେ ଶିବାଶିଷ ପଣ୍ଡା, ଜିଲ୍ଲା ସଂଯୋଜକ ଭାବେ ଦିବ୍ୟରଞ୍ଜନ ଡାକୁଆ, ଜିଲ୍ଲା ସହ ସଂଯୋଜକ ଭାବେ ପ୍ରୀତିଜୀନା ସେଠୀ, ବିଭାଗ ଏସ ଏଫ ଏସ ସହ ପ୍ରମୁଖ ଭାବେ ରୁଦ୍ରପ୍ରସାଦ ସେଠୀ, ବିଭାଗ ରାଷ୍ଟ୍ରୀୟ କଳାମଞ୍ଚ ସହ ପ୍ରମୁଖ ଭାବେ ରାଜନନ୍ଦିନୀ ସାହାଣୀଙ୍କୁ ଦାୟିତ୍ୱ ପ୍ରଦାନ କରାଯାଇଛି । ବିଦ୍ୟାର୍ଥୀ ମାନଙ୍କ ସାମୁହିକ ଯେ କୌଣସି କାର୍ଯ୍ୟକ୍ରମକୁ ସର୍ବଦା ପାଖେପାଖେ ରହି କାର୍ଯ୍ୟ ଶେଷ ପର୍ଯ୍ୟନ୍ତ ସହଯୋଗ କରୁଥିବାରୁ ପୁନର୍ବାର ଏହି ଦାୟିତ୍ୱ ଏମାନଙ୍କୁ ମିଳିଛି । ଏବିଭିପି କନ୍ଧମାଳ ତରଫରୁ ସମସ୍ତଙ୍କୁ ଅନେକ ଅଭିନନ୍ଦନ ଓ ଶୁଭେଚ୍ଛା ଦିଆଯାଇଛି ।
