ବୌଦ୍ଧ/ବାଉଁଶୁଣୀ,୧୬/୧୦- ବୌଦ୍ଧଜିଲ୍ଲା ବାଉଁଶୁଣୀସ୍ଥିତ ସରସ୍ୱତୀ ଶିଶୁ ବିଦ୍ୟା ମନ୍ଦିର ଠାରେ ଏକ ସ୍ୱମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ବିଦ୍ୟା ମନ୍ଦିର ପରିଚାଳନା କମିଟି ସଭାପତି ହୃଦୟ ରଞ୍ଜନ ଖମାରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ସଭାରେ ବାଉଁଶୁଣି ମାଟିରେ ଜନ୍ମିତ ଡା. ରାଜେଶ ତ୍ରିପାଠୀ ଓ ତାଙ୍କ ପତ୍ନୀ ଡା. ସୁସ୍ମିତା ଦାସଙ୍କୁ ସମାଜସେବା କ୍ଷେତ୍ରରେ ସେମାନଙ୍କ ବିଶେଷ ଅବଦାନପାଇଁ ପୁଷ୍ପଗୁଚ୍ଛ ଓ ଉତ୍ତରୀୟ ପ୍ରଦାନ କରାଯାଇ ସ୍ୱମ୍ବର୍ଦ୍ଧନା ଦିଆଯାଇଥିଲା । ଏହି ଅବସରରେ ଡାକ୍ତର ଦଂପତ୍ତି ଶିଶୁ ମନ୍ଦିରର ଶିକ୍ଷା ଓ ସଂସ୍କାର ତଥା ଗୁରୁଜୀ ଗୁରୁମାଙ୍କ ତ୍ୟାଗପୂର୍ଣ୍ଣ କାର୍ଯ୍ୟଶୈଳୀକୁ ପ୍ରଶଂସା କରିବା ସହିତ ଶିଶୁ ମନ୍ଦିରକୁ ଭବିଷ୍ୟତରେ ସାହାଯ୍ୟ ସହଯୋଗ କରିବାର ପ୍ରତିଶୃତି ଦେଇଥିଲେ ।
କାର୍ଯ୍ୟକ୍ରମରେ ବୌଦ୍ଧ ସଂକୁଳ ପ୍ରମୁଖ ଦଶରଥ ମେହେର, ବିଭାଗ ନିରୀକ୍ଷକ ଗୁପ୍ତେଶ୍ୱର ଥନାପତି ପ୍ରମୁଖ ଉପସ୍ଥିତ ଥିଲେ । ବିଦ୍ୟା ମନ୍ଦିରର ପ୍ରଧାନ ଆଚାର୍ଯ୍ୟ ଦଧିବାମନ ରଣା ଅତିଥି ପରିଚୟ ପ୍ରଦାନ କରିଥିବାବେଳେ ପରିଚାଳନା କମିଟି ସମ୍ପାଦକ ସୁନୀଲ ବାରିକ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମ ପରିଚାଳନାରେ ବିଦ୍ୟାଳୟର ସମସ୍ତ ଆଚାର୍ଯ୍ୟ ଆଚାର୍ଯ୍ୟା ଏବଂ କର୍ମକର୍ତା ସହଯୋଗ କରିଥିଲେ ।
