ପାରଳାଖେମୁଣ୍ଡି : ଗଜପତି ଜିଲ୍ଲାର ପୁରପଲ୍ଲୀରେ ହରଗୌରୀ ପୂଜା ଅନୁଷ୍ଠିତ ହୋଇଯାଇଛି । ଏହି ପୂଜା ଏକ କୃଷି ଭିତ୍ତିକ ପୂଜା ଅଟେ । କୁମାର ପୂର୍ଣ୍ଣିମା ଦିନରେ ପ୍ରତ୍ୟେକ ପୁରପଲ୍ଲୀରେ ହରଗୌରୀଙ୍କ ମୂର୍ତ୍ତି ଧରି ଗ୍ରାମ ପରିକ୍ରମା ବାଦ୍ୟ ବାଜଣା ଧୂପ ଦୀପ ସହ ମାଆଙ୍କ ସ୍ତୁତି ଖଣ୍ଡା ଧରି ଡାକିଥାନ୍ତି । ଏହି ପୂଜା କରିବା ଦ୍ୱାରା ଗ୍ରାମର ମଙ୍ଗଳ ଓ ଧାନ ଫସଲ ରୋଗ ମୁକ୍ତ ସକାଶେ ଏହି ପୂଜା କରାଯାଇଥାଏ । ଏହି ପୂଜା ଗ୍ରାମରେ ବିଭିନ୍ନ ସଂସ୍କୃତିକ କାର୍ଯ୍ୟକ୍ରମ ସହ ଗ୍ରାମବାସୀ ବିଭିନ୍ନ ବେଶ ଭୂଷା ସାଜି ନାଚ କରିଥାନ୍ତି । ଏହା ଉପାନ୍ତ ଅଞ୍ଚଳ ହୋଇଥିଲେ ମଧ୍ୟ ପଡୋଶୀ ଆନ୍ଧ୍ରପ୍ରଦେଶରେ ଏହି ପୂଜା ଧୁମଧାମରେ ଅନୁଷ୍ଠିତ ହୋଇଥାଏ ।
