ଇନ୍ଦ୍ରଗଡ଼-କନ୍ଧମାଳ ଜିଲ୍ଲା ରାଇକିଆ ବ୍ଲକ ଅନ୍ତର୍ଗତ କରଡା ପଞ୍ଚାୟତ ସୁନାପୋଲି ଗ୍ରାମରେ ପ୍ରାୟ ୮ ରୁ ୧୦ ଟି ହାତୀ ପଲ ପଶି ଧାନ ଫସଲ ନଷ୍ଟ କରିବା ସହିତ ଶତାଧିକ ଜମିର ଫସଲ ନଷ୍ଟ କରିଦେଇଛନ୍ତି ବୋଲି ଅଭିଯୋଗ ହୋଇଛି । ବର୍ତ୍ତମାନ ଜମିରେ ଧାନ ଫଳି ଆସିଥିବା ବେଳେ ହାତୀ ପଲ ପ୍ରବେଶ ଯୋଗୁ ଚାଷୀମାନଙ୍କ ମଧ୍ୟରେ ଭଲେଣି ପଡିଛି । ନୟନି ପ୍ରଧାନ, ସନ୍ତୁନ ପ୍ରଧାନ, ଜୟକୃଷ୍ଣ ପ୍ରଧାନ ଓ ଶଙ୍କର ପ୍ରଧାନଙ୍କ ବିଲରେ ୩ ରୁ ୪ଦିନ ଲଗାତାର କ୍ଷତି କରିଛନ୍ତି । ବନ ବିଭାଗର କର୍ମଚାରୀମାନେ ହାତୀକୁ ଘୋଉଡାଇବାରେ ପ୍ରୟାସ ଜାରି ରଖିଛନ୍ତି । କରଡା ବନ ବିଭାଗ ଅଧିକାରୀ ମାନେ ପହଞ୍ଚି ସ୍ଥିତି ଅନୁଧ୍ୟାନ କରି ଫେରିଥିବା ବେଳେ ଅଞ୍ଚଳବାସୀ କ୍ଷତି ପୂରଣ ଦାବି କରିଛନ୍ତି ।
