ବୌଦ୍ଧ,୩ା୧୧: ସୁନ୍ଦରଗଡର ବନ୍ଦରମୁଖା, ବଉଳ ସାହିର ଜଣେ ବୃଦ୍ଧାଙ୍କୁ ଅସହାୟ ଅବସ୍ଥାରେ ବୌଦ୍ଧଜିଲ୍ଲା କଣ୍ଟାମାଳ ବ୍ଳକ ଶିବ ମନ୍ଦିର ନିକଟରୁ ଉଦ୍ଧାର କରାଯାଇଛି । ଏ ସଂପର୍କରେ ସୂଚନା ପାଇବା ପରେ ଜିଲ୍ଲାପାଳଙ୍କ ନିର୍ଦ୍ଦେଶକ୍ରମେ ଜିଲା ସାମାଜିକ ସୁରକ୍ଷା ବିଭାଗର ଉଦ୍ୟମକ୍ରମେ ଉକ୍ତ ବୃଦ୍ଧାଙ୍କୁ ଉଦ୍ଧାର କରାଯାଇ ବୌଦ୍ଧର ଆଶ୍ରୟ ଅନୁଷ୍ଠାନରେ ରଖାଯାଇଥିବା ଜଣାଯାଇଛି । ବୃଦ୍ଧାଙ୍କ ନାମ ଭାରତୀ ଦାଶ(୬୨) ଓ ସେ ସୁନ୍ଦରଗଡ ବନ୍ଦରମୁଖା ବଉଳସାହିର ଗୋବିନ୍ଦ ଦାଶଙ୍କ ଝିଅ ବୋଲି ଜଣାପଡିଛି । ତେବେ ତାଙ୍କର କୌଣସି ସଂପର୍କିୟ ଥିଲେ ବୌଦ୍ଧଜିଲ୍ଲା ସାମାଜିକ ସୁରକ୍ଷା ବିଭାଗ ସହିତ ଯୋଗାଯୋଗ କରିବାପାଇଁ ପ୍ରଶାସନ ପକ୍ଷରୁ ଅନୁରୋଧ କରାଯାଇଛି ।
