ଆବୁ ଧାବି: ସବୁ ଆଶା ଶେଷ। ଆଫଗାନିସ୍ତାନର ପରାଜୟ ସହ ଚଳିତ ଆଇସିସି ଟି-୨୦ ବିଶ୍ୱକପରେ ଟିମ୍ ଇଣ୍ଡିଆର ସେମିଫାଇନାଲରେ ଆଶା ଧୂଳିସାତ୍ ହୋଇଯାଇଛି। ରବିବାର ଆଇସିସି ଟି-୨୦ ବିଶ୍ୱକପର ଗ୍ରୁପ୍-୨ର ଏକ ମ୍ୟାଚରେ ନ୍ୟୁଜିଲ୍ୟାଣ୍ଡ ୮ ୱିକେଟରେ ଆଫଗାନିସ୍ତାନକୁ ପରାସ୍ତ କରି ସେମିଫାଇନାଲ୍ ଟିକେଟ୍ କାଟିଛି। ଅନ୍ୟପକ୍ଷରେ ନ୍ୟୁଜିଲ୍ୟାଣ୍ଡର ଏହି ବିଜୟ ଭାରତର ବିଶ୍ୱକପ୍ ଅଭିଯାନରେ ବ୍ରେକ୍ ଲାଗିଛି। ଭାରତ ଏବେ ସମ୍ମାନ ରକ୍ଷା ପାଇଁ ଆସନ୍ତାକାଲି ନାମିବିଆକୁ ଭେଟିବ। ଅନ୍ୟପକ୍ଷରେ ଚଳିତ ଆଇସିସି ଟି-୨୦ ବିଶ୍ୱକପର ସେମିଫାଇନାଲ୍ ଲାଇନ୍ ଅପ୍ ଚୂଡ଼ାନ୍ତ ହୋଇଛି। ସେମିଫାଇନାଲ ମୁକାବିଲା ଇଂଲଣ୍ଡ ଓ ନ୍ୟୁଜିଲ୍ୟାଣ୍ଡ ଏବଂ ପାକିସ୍ତାନ ଓ ଅଷ୍ଟ୍ରେଲିଆ ମଧ୍ୟରେ ଅନୁଷ୍ଠିତ ହେବ।
