ଦଶପଲ୍ଲା : ନୟାଗଡ଼ ପଠାଣିସାମନ୍ତ ପ୍ରେକ୍ଷାଳୟଠାରେ ତୃତୀୟ ନୟନ ନାଟ୍ୟ ଅନୁଷ୍ଠାନ ଦ୍ୱାରା ନାଟକ “ଅନ୍ଧାରରେ ଆସ’ ମଞ୍ଚସ୍ଥ ହୋଇଯାଇଛି । ତୃତୀୟ ନୟନ ସଭାପତି ପ୍ରମୋଦ ପଟ୍ଟନାୟକଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମକୁ ମୁଖ୍ୟ ଅତିଥିଭାବେ ନୟାଗଡ଼ ବିଧାୟକ ତଥା ମନ୍ତ୍ରୀ ଡ. ଅରୁଣ କୁମାର ସାହୁ ଯୋଗଦେଇ ଉଦ୍ଘାଟନ କରିଛନ୍ତି । ରଣପୁର ପୂର୍ବତନ ବିଧାୟକ ରବି ନାରାୟଣ ମହାପାତ୍ର ଅନ୍ୟତମ ଅତିଥିଭାବେ ଯୋଗ ଦେଇଥିଲେ । ବିଶ୍ୱନାଥ ମହାପାତ୍ରଙ୍କ ରଚିତ ଏବଂ ନାଟ୍ୟଭୂଷଣ ଡ ବିଜୟ କୁମାର ଚୌଧୁରୀଙ୍କ ନିର୍ଦ୍ଦେଶିତ ଏହି ନାଟକ ଅତି ଉଚ୍ଚକୋଟୀର ହୋଇଥିଲା । ଆୟୋଜିତ କାର୍ଯ୍ୟକ୍ରମରେ ସହଯୋଗୀ ମା ‘ ଫାଉଣ୍ଡେସନ ଲୋଗୋକୁ ଅତିଥିମାନେ ଉନ୍ମୋଚନ କରିଛନ୍ତି । ବ୍ୟାଜେଲ୍ ଇଣ୍ଡିଆ ୨୦୨୧ ବିଜୟିନୀ ପ୍ରଜ୍ଞା ପରଣିତାଙ୍କୁ ସମ୍ବନ୍ଧିତ କରାଯାଇଥିଲା । ପ୍ରତିକୂଳ ପାଗସତ୍ତେ୍ୱ ନୟାଗଡ଼ ଜିଲ୍ଲାର ବହୁ ନାଟ୍ୟମନସ୍କ ଜନସାଧାରଣ ପୂର୍ଣ୍ଣ ପ୍ରେକ୍ଷାଳୟରେ ନାଟକକୁ ଉପଭୋଗ କରିଥିଲେ ।
