ବୌଦ୍ଧ : ବୌଦ୍ଧ ବ୍ଲକ ପ୍ରାଥମିକ ଶିକ୍ଷକମାନଙ୍କ ପଦୋନ୍ନତି ଆଦେଶ ଗତକାଲି ଅପରାହ୍ନରେ ସରକାରୀ ବାଳିକା ଉଚ୍ଚ ବିଦ୍ୟାଳୟ ବୌଦ୍ଧର ସଭାଗୃହଠାରେ ଗୋଷ୍ଠୀ ଶିକ୍ଷା ଅଧିକାରୀ ଧ୍ରୁବଚରଣ ଘିବେଲାଙ୍କ ଦ୍ୱାରା ବଣ୍ଟନ କରାଯାଇଛି । ପ୍ରାଥମିକ ବର୍ଗ ପ୍ରଥମରୁ ପଞ୍ଚମ ଲେବେଲ ଚତୁର୍ଥ ବର୍ଗ ଏକରେ ୬୧ଜଣ ଓ ପ୍ରାଥମିକ ବର୍ଗ ପ୍ରଥମରୁ ଅଷ୍ଟମ ଲେବେଲ ଚତୁର୍ଥ ବର୍ଗ ଦ୍ୱିତୀୟ ରେ ୭୨ଜଣ ପଦୋନ୍ନତି ନେଇଛନ୍ତି । ସହ ଗୋଷ୍ଠୀ ଶିକ୍ଷା ଅଧିକାରୀ କମଳକାନ୍ତ ଦଳବେହେରା, କାର୍ଯ୍ୟାଳୟ ସହାୟକ କୁନ୍ତୀ ଦିଗାଲ, ସୁଧୀର କୁମାର ନାଏକ ସହଯୋଗ କରିଥିଲେ । ଦୀର୍ଘ ଦିନ ପରେ ଏହି ପଦୋନ୍ନତି ପାଇଥିବାରୁ ଶିକ୍ଷକ ମହଲରେ ଆନନ୍ଦର ଲହରୀ ଖେଳିଯାଇଛି । ୧୨ଜଣ ଶିକ୍ଷକ ସ୍ୱାସ୍ଥ୍ୟଗତ କାରଣରୁ ପଦୋନ୍ନତି ଫର୍ଗୋ କରିଛନ୍ତି ।
