ବୌଦ୍ଧ,୧୬/୧୧:- ଓଡିଶା ସାମ୍ବାଦିକ ୟୁନିଅନ ଆଜି ୫୬ତମ ଜାତୀୟ ପ୍ରେସ ଦିବସ ଭୁବନେଶ୍ୱରସ୍ଥିତ କେଶରୀ ହୋଟେଲ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମର ଆୟୋଜିତ ସଭାରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଶ୍ରୀ ସମୀର ରଞ୍ଜନ ଦାସ, ଆଳି ବିଧାୟକ ଶ୍ରୀ ପ୍ରତାପ କେଶରୀ ଦେବ, ସମାଜ ଖବର କାଗଜର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ଶ୍ରୀ ପ୍ରଭାସ ଆଚାର୍ଯ୍ୟ ଏବଂ ୟୁନିଅନର ସଭାପତି ତଥା ବରିଷ୍ଠ ସାମ୍ବାଦିକ ଶ୍ରୀ ସୁଜ୍ଞାନ ଚୌଧୁରୀ ଉପସ୍ଥିତ ରହି ବିଭିନ୍ନ ବିଭାଗର ପ୍ରତିଭାଧାରୀ ବ୍ୟକ୍ତିବିଶେଷଙ୍କୁ ସମ୍ମାନିତ କରିଥିଲେ ।
ସେମାନଙ୍କ ମଧ୍ୟରୁ ଡ଼ଃ ଉଦୟନାଥ ମାଝୀ ଜିଲ୍ଲା ଶିକ୍ଷା ଅଧିକାରୀ ବୌଦ୍ଧ,ତାଙ୍କର ଦୀର୍ଘ ୨୮ବର୍ଷ ଓଡିଶା ସ୍କୁଲ ଶିକ୍ଷା ବିଭାଗରେ ଉଲ୍ଲେଖନୀୟ ସେବା ପ୍ରଦାନ କରି ଆସୁଥିବାରୁ ୟୁନିଅନ ତାଙ୍କୁ ଅତିଥି ମାନଙ୍କ ଦ୍ୱାରା ପୁଷ୍ପଗୁଚ୍ଛ, ଉତ୍ତରୀୟ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଏହି ଖବର ପାଇବା ପରେ ବୌଦ୍ଧଜିଲ୍ଲା ଶିକ୍ଷକ, ଛାତ୍ର, ଅଭିଭାବକ ଓ ବୁଦ୍ଧିଜୀବୀ ମହଲରେ ଆନନ୍ଦ ଲହରୀ ଖେଳିଯାଇଛି ।
