ଜମ୍ମୁ: ସୁରକ୍ଷାକର୍ମୀଙ୍କ ଏନ୍କାଉଣ୍ଟରରେ ୫ ଜଣ ଆତଙ୍କବାଦୀ ନିହତ ହୋଇଛନ୍ତି। ଜମ୍ମୁ କଶ୍ମୀରିର କୁଲଗାମ ଜିଲ୍ଲା ପୋମ୍ବେ ଏବଂ ଗୋପାଲପୁରା ଅଞ୍ଚଳରେ ଏହି ଏନ୍କାଉଣ୍ଟର ହୋଇଥିଲା। ପୋମ୍ବେ ଇଲାକାରେ ୩ ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଥିବା ବେଳେ ଗୋପାଲପୁରା ଅଞ୍ଚଳରେ ୨ ଜଣ ଆତଙ୍କବାଦୀଙ୍କ ମୃତ୍ୟୁ ଘଟିଛି। ଏମାନଙ୍କ ମଧ୍ୟରେ ଅଫକ୍ ସିକନ୍ଦର ନାମକ ଜଣେ ଯୁବକ ଆତଙ୍କବାଦୀ ଗୋଷ୍ଟୀ ତଥା ଟିଆରଏଫ୍ ଆତଙ୍କବାଦୀ ସଙ୍ଗଠନ କମାଣ୍ଡର ଥିଲେ। ଗତ କିଛି ମାସ ହେବ ଜମ୍ମୁ-କଶ୍ମୀରେ ଆତଙ୍କବାଦୀ କାର୍ଯ୍ୟକାଳାପ ସକ୍ରିୟ ରହିଛି। ଏହାକୁ ଦୃଷ୍ଟିରେ ରଖି ସୁରକ୍ଷା କର୍ମୀଙ୍କ ପକ୍ଷରୁ ପାଟ୍ରୋଲିଂ କଡ଼କାଡ଼ି କରାଯାଇଥିବା ବେଳେ ଏନ୍କାଉଣ୍ଟର ଜାରି ରହିଛି। ଗତକାଲି ଶ୍ରୀନଗରରେ ସୁରକ୍ଷା ବାହିନୀ ପକ୍ଷରୁ ଆତଙ୍କବାଦ ବିରୋଧୀ ଅପରେସନ୍ ଚାଲୁଥିଲା ବେଳେ ଦୁଇ ବ୍ୟବସାୟୀଙ୍କ ସମେତ ୪ ଜଣଙ୍କ ମୃତ୍ୟୁ ଘଟିଛି।
