କରଞ୍ଜିଆ : ସ୍ତ୍ରୀର ଟାଙ୍ଗିଆ ଚୋଟରେ ଯାଇଛି ସ୍ୱାମୀଙ୍କ ଜୀବନ । ଆଜି ଏପରି ହୃଦୟ ବିଦାରକ ଘଟଣା ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡା ଥାନା ଅଞ୍ଚଳରୁ । ଏନେଇ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଅଭିଯୁକ୍ତକୁ ଗିରଫ କରିବା ସହ ଘଟଣାର ତଦନ୍ତ ଆରମ୍ଭ କରିଛି ।
ପଞ୍ଚାୟତ କାର୍ଯ୍ୟାଳୟରେ କଣ୍ଟ୍ରୋଲ୍ ସାମଗ୍ରୀ ଦିଆଯାଉଥିଲା । ସେଥିପାଇଁ ରାଣୀଭୋଳ ଗାଁର ଅନନ୍ତ ଗୋପ କଣ୍ଟ୍ରୋଲ୍ ସାମଗ୍ରୀ ଆଣିବାକୁ ଯାଇଥିଲେ । କଣ୍ଟ୍ରୋଲ୍ ସାମଗ୍ରୀ ଧରି ଘରକୁ ଫେରିଥିଲେ । ଘରେ ପହଞ୍ଚିବା ପରେ ହାଣ୍ଡିଆ ପିଇବା ପାଇଁ ପତ୍ନୀ ମସୁରୀ ସୟଙ୍କୁ ମାଗିଥିଲେ ଟଙ୍କା । ହେଲେ ମସୁରୀ ଟଙ୍କା ଦେଇନଥିଲେ । ଯାହାକୁ ନେଇ ସ୍ୱାମୀ ଓ ସ୍ତ୍ରୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା ।
ଏଥିରେ ଉତକ୍ଷିପ୍ତ ହଇ ସ୍ତ୍ରୀ ମସୁରୀ ଘର ଭିତରକୁ ଯାଇ ଏକ ଟାଙ୍ଗିଆ ଆଣି ସ୍ୱାମୀର ବେକ ଓ ମୁଣ୍ଡକୁ ଚୋଟ ପରେ ଚୋଟ ପକାଇଥିଲେ । ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି । ଖବର ପାଇ ଠାକୁରମୁଣ୍ଡା ଥାନା ପୁଲିସ ଘଟଣା ସ୍ଥଳରେ ପହଞ୍ଚି ସ୍ତ୍ରୀ ମସୁରୀ ସୟକୁ ଗିରଫ କରିଛି ।
