ବୌଦ୍ଧ,୨୭/୧୧:- ଆଜି ସନ୍ଧ୍ୟାରେ ବୌଦ୍ଧର ଏକ ଗ୍ୟାସ ଚୁଲା ମରାମତି ଦୋକାନରେ ଗ୍ୟାସ ସିଲିଣ୍ଡରରୁ ନିଆଁଲାଗି ୨ଜଣ ଗୁରତର ଆହତ ହୋଇଥିବା ଜଣାପଡିଛି । ପ୍ରାପ୍ତ ଖବରରୁ ପ୍ରକାଶ ଯେ ବୌଦ୍ଧ ଏନଏସି ଛକରେ ଥିବା ଏକ ଗ୍ୟାସ ଚୁଲା ମରାମତି ଦୋକାନରେ ମରାମତି ହେଉଥିବା ସମୟରେ ହଠାତ୍ ଏକ ଗ୍ୟାସ ସିଲିଣ୍ଡରରୁ ନିଆଁଲାଗି ଦୋକାନ ମାଲିକ ରାମଚନ୍ଦ୍ର ମିଶ୍ର ଏବଂ ଦୋକାନରେ କାମ କରୁଥିବା ପ୍ରୀତିଶ ପୁରୋହିତ ନାମକ ଯୁବକ ନିଆଁରେ ପୋଡିହୋଇ ଗୁରୁତର ଆହତ ହୋଇଛନ୍ତି । ଖବରପାଇ ପୋଲିସ ଆହତ ୨ଜଣଙ୍କୁ ସଙ୍ଗେସଙ୍ଗେ ବୌଦ୍ଧଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତିକରିଥିଲା । ସେମାନେ ଏବେ ବୌଦ୍ଧ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛି । ଏ ସଂକ୍ରାନ୍ତରେ ବୌଦ୍ଧ ଆଦର୍ଶ ଥାନାରେ ପୋଲିସ ନେଗଲିଜେନ୍ସ ଆକ୍ଟରେ ଏକ ଦୁର୍ଘଟଣାଜନିତ ମାମଲା ରୁଜୁ କରି ତଦନ୍ତ କରୁଥିବା ଜଣାପଡିଛି ।
