କାନପୁର : ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜର ପ୍ରଥମ ଟେଷ୍ଟ କାନପୁରର ଗ୍ରୀନ୍ ପାର୍କ ଷ୍ଟାଡିୟମରେ ଖେଳାଯାଉଛି । ଚତୁର୍ଥ ଦିନର ଖେଳ ଶେଷ ହୋଇଛି । ଟେଷ୍ଟ ମ୍ୟାଚ୍ ଜିତିବା ପାଇଁ ଭାରତକୁ ଆଉ ୯ ୱିକେଟ୍ ଦରକାର । ୨୮୪ ରନ୍ର ଲକ୍ଷ୍ୟକୁ ପିଛା କରି କିୱି ଦଳ ଗୋଟିଏ ୱିକେଟ୍ ହରାଇ ୪ ରନ୍ ସଂଗ୍ରହ କରିଥିଲେ । ଏହାପୂର୍ବରୁ ଚତୁର୍ଥ ଦିନରେ ଭାରତ ୭ ୱିକେଟ୍ ପାଇଁ ୨୩୪ ରେ ଦ୍ୱିତୀୟ ଇନିଂସ ଘୋଷଣା କରିଥିଲା । ଭାରତ ପାଇଁ ରିଦ୍ଧିମାନ ସାହା ୬୧ ରେ ଅପରାଜିତ ରହିଥିଲେ ଏବଂ ଅକ୍ଷର ପଟେଲ ୨୮ ରେ ଅପରାଜିତ ରହିଥିଲେ । ଶ୍ରେୟସ୍ ଆୟର ଭାରତ ପାଇଁ ୬୫ ରନ୍ କରିଥିଲେ । କିୱି ପାଇଁ ଟିମ୍ ସାଉଦୀ ଏବଂ କାଇଲ୍ ଜାମିସନ୍ ୩-୩ ୱିକେଟ୍ ନେଇଥିଲେ ।
