ବୌଦ୍ଧ,୨୮/୧୧- ସାମ୍ପ୍ରତିକ ପରିସ୍ଥିତିରେ ସମଗ୍ର ବିଶ୍ୱ ପ୍ରଦୂଷଣର ବିଷବଳୟ ମଧ୍ୟରେ ପୁରିରହିଛି । ପ୍ରଦୂଷଣମୁକ୍ତ ନିମନ୍ତେ ପଶ୍ଚିମବଙ୍ଗ ରାଜ୍ୟର ପ୍ରାଥମିକ ଶିକ୍ଷକ ରାମପ୍ରସାଦ ନସ୍କର ସାଇକେଲରେ ସାରା ଭାରତ ଭ୍ରମଣ କରି ଓଡିଶାର ନୂଆପଡା, ସହେଲା, ତେଲିବନ୍ଧ ପରେ ବିରନରସିଂହପୁର ନର୍ସରୀ ଠାରେ ପହଞ୍ଚିଥିଲେ । ସେଠାରେ ତାଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଥିଲା । ବୌଦ୍ଧ ବିଧାୟକ ପ୍ରଦୀପ କୁମାର ଅମାତ ପୁଷ୍ପଗୁଚ୍ଛ, ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ଏଥିରେ ମାହେଶ୍ୱରୀ ଗୋଶାଳାର ଅଧକ୍ଷ ନିର୍ଗୁଣ ମହାକୁଡ଼, ସମ୍ପାଦକ କୃତ୍ତିବାସ ପଲିଆ, କୋଷାଧକ୍ଷ ଉଦ୍ଧବ କଲତା, ସୁବୋଧ ପ୍ରଧାନ, ଅଶୋକ ସାହୁ, ବିଜେଡି ଜିଲ୍ଲା ପର୍ଯ୍ୟବେକ୍ଷକ ସୌଭାଗ୍ୟ ରଞ୍ଜନ ନାଏକ ପ୍ରମୁଖ ଉପସ୍ଥିତ ଥିଲେ । ଅପରାହ୍ନରେ ମାହେଶ୍ୱରୀ ଗୋଶାଳା ଦନ୍ତାପାଲି ପରିସରରେ ବୃକ୍ଷରୋପଣ କାର୍ଯ୍ୟକ୍ରମ ପରେ ସମ୍ବର୍ଦ୍ଧିତ କରାଯାଇଥିଲା । ଏଥିରେ ଗୋଶାଳା ତତ୍ୱାବଧାରକ ଭାଗ୍ୟଧର ମହାକୁଡ଼, ପ୍ରଭାତଚନ୍ଦ୍ର ପ୍ରଧାନ, ନିର୍ଗୁଣ ମହାକୁଡ଼, କୃତ୍ତିବାସ ପଲିଆ, ରୋହିତ ଭୋଇ, ମହେନ୍ଦ୍ର ପ୍ରଧାନ ଓ ଜ୍ୟୋତିରଞ୍ଜନ ପ୍ରଧାନ ପ୍ରମୁଖ ସହଯୋଗ କରିଥିଲେ ।
