ଦଶପଲ୍ଲା :ମଧ୍ୟଖଣ୍ଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର(ଜନ୍ମ ମୃତ୍ୟୁ ପଞ୍ଜିକରଣ)ର ବରିଷ୍ଠ କିରାଣୀ ସ୍ୱର୍ଗତ ପ୍ରଦୀପ କୁମାର ଦାଶ୍ ( ମଦନ )ଙ୍କ ପ୍ରଥମ ଶ୍ରାଦ୍ଧ ବାର୍ଷିକୀ ଅବସରରେ ବିଜୟଲକ୍ଷ୍ମୀ ରଥ (ସ୍ୱର୍ଗତ ଦାଶଙ୍କ ପତ୍ନୀ) ଙ୍କ ଦ୍ୱାରା ଏକ ରକ୍ତଦାନ ଶିବିର ସ୍ଥାନୀୟ ପ୍ରସାଦ ହୋଟେଲ,ଦଶପଲ୍ଲାରେ ଆୟୋଜିତ ହୋଇଯାଇଛି । ଏହି ଶିବିରକୁ ସ୍ଥାନୀୟ ବିଧାୟକ ରମେଶ ବେହେରା ଉଦଘାଟନ କରିଥିଲେ । ଡାକ୍ତର ରଶ୍ମିରଞ୍ଜନ ଭଦ୍ରା ଅଧୀକ୍ଷକ ମଧ୍ୟଖଣ୍ଡ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଏବଂ କର୍ମଚାରୀ ଏହି ଶିବିର ପରିଚାଳନା କରିଥିଲେ । ସ୍ୱର୍ଗତ ଦାଶଙ୍କ ବନ୍ଧୁ ପରିଜନ ତଥା ଶୁଭେଚ୍ଛୁ ଯୋଗ ଦେଇଥିଲେ ଏବଂ ୨୨ ଜଣ ସ୍ୱେଚ୍ଛାକୃତ ଭାବେ ରକ୍ତଦାନ କରିଥିଲେ । ସହଯୋଗ ପାଇଁ ଆୟୋଜକ ବିଜୟଲକ୍ଷ୍ମୀ ରଥ ସମସ୍ତ ଶୁଭେଚ୍ଛୁଙ୍କୁ କୃତଜ୍ଞତା ଜଣାଇଛନ୍ତି ।
