ହାଇଦ୍ରାବାଦ : ଆଇପିଏଲ-୨୦୨୨ ପାଇଁ ରିଟେନ ପ୍ରକ୍ରିୟା ଶେଷ ହୋଇଛି । ପ୍ରତ୍ୟେକ ପ୍ରାଞ୍ଚାଇଜ ନିଜ ନିଜର ପସନ୍ଦିତ ଖେଳାଳିଙ୍କୁ ନିଜ ପାଖରେ ରଖିଛନ୍ତି । ଏହି କ୍ରମରେ ସନରାଇଜର୍ସ ହାଇଦ୍ରାବାଦ ମଧ୍ୟ ତା’ର ପ୍ରଥମ ପସନ୍ଦିତା ୩ ଖେଳାଳିଙ୍କୁ ରିଟେନ କରିଛନ୍ତି । ଏମାନଙ୍କ ମଧ୍ୟରେ ଅଛନ୍ତି ଅଧିନାୟକ କେନ୍ ୱିଲିୟମସନ, ଅବଦୁଲ ସମାଦ ଓ ଉମରାନ ମଲିକ । କିନ୍ତୁ ଆଶ୍ଚର୍ଯ୍ୟର କଥା ଏହା ଯେ, ଦଳର ଷ୍ଟାର ବୋଲର ରସିଦ ଖାନଙ୍କୁ ଦଳ ରିଟେନ କରିନାହିଁ । ଯାହାକୁ ନେଇ ପ୍ରଶଂସକମାନଙ୍କ ମଧ୍ୟରେ ଆଲୋଚନାର ବିଷୟ ପାଲଟିଛି । ଏହାକୁ ନେଇ ସନରାଇଜର୍ସ ହାଇଦ୍ରାବାଦର ସିଇଓ କେ ସାମ୍ମୀ ନିଜର ମତ ରଖିଛନ୍ତି । ସେ କହିଛନ୍ତି ଯେ, ଖୋଦ୍ ରସିଦ୍ ରିଟେନ ହେବାକୁ ଚାହୁଁନଥିଲେ । ସେ ଆକ୍ସନ ଯିବାକୁ ଚାହୁଁଥିଲେ , ତେଣୁ ଆମେ ତାଙ୍କୁ ରିଟେନ କରିନଥିଲୁ । ଆମେ ନିଲାମରେ ତାଙ୍କୁ ଆମ ଦଳରେ ସାମିଲ କରିବାକୁ ନିହାତି ଚେଷ୍ଟା କରିବୁ ବୋଲି ସେ କହିଛନ୍ତି ।
